என்னப்பா நடக்குது....!பள்ளி மாணவர்கள் இடையே சாதி சண்டையா?.....சரமாரியாக மோதிக்கொண்ட மாணவர்கள்!...வீடியோ வெளியாகி நெல்லையில் பரபரப்பு!

நெல்லை மாவட்டம் பாளையங்கோட்டையில் புனித ஜான்ஸ் மேல்நிலைப்பள்ளி அமைந்துள்ளது இங்கு பாளையங்கோட்டை மற்றும் சுற்று வட்டார பகுதியை சேர்ந்த ஆயிரக்கணக்கான மாணவர்கள் பயின்று வருகின்றனர். 

இந்நிலையில் நேற்று பள்ளியில் பயிலும் இரு மாணவர்களுக்கிடையே சைக்கிள் நிறுத்தும் தகராறில் வாக்குவாதம் ஏற்பட்டு கைகலப்பாக மாறியுள்ளது.

இந்நிலையில் தகவலறிந்த பாளையங்கோட்டை காவல் துறையினர் சம்மந்தப்பட்ட மாணவர்களை காவல் நிலையம் அழைத்து சென்று எச்சரித்து அனுப்பியுள்ளனர்.

மேலும் இந்த சூழ்நிலையில் ஜான்ஸ் பள்ளியில் மாணவர்கள் இடையே ஏற்பட்ட மோதல் தொடர்பான வீடியோ ஒன்று தற்போது சமூக வலைதளங்களில் வெளியாகி வைரலாக பரவி வருகிறது. 

மாணவர்கள் ஒருவருக்கு ஒருவர் கல்லால் எறிந்தும் சரமாரியாக கையால் அடித்தும் தாக்கி கொள்கின்றனர் பல மாணவர்கள் இந்த மோதல் சம்பவத்தை வேடிக்கை பார்ப்பதும் காட்சியில் இடம் பெற்றுள்ளது. 

இந்த நிலையில் ஜாதி ரீதியான பகை காரணமாகவே மாணவர்களிடையே இந்த கலவரம் ஏற்பட்டதாக அதிர்ச்சி தகவல்கள் வெளியாகியுள்ளது.

இந்நிலையில் முதலில் இருவேறு சமூகத்தை சேர்ந்த 2 மாணவர்களுக்கு மட்டுமே முதலில் தகராறு ஏற்பட்டுள்ளது பின்னர் ஜாதி ரீதியாக இரு மாணவர்களுக்கும் அவரவர் சமூகத்தைச் சேர்ந்த மாணவர்கள் ஆதரவளித்து மோதல் போக்கில் ஈடுபட்டதாகவும் கூறப்படுகிறது. 

மேலும் இதற்கிடையில் தகராறில் ஈடுபட்ட ஒன்பது மாணவர்களுக்கு இடமாறுதல் சான்றிதழ் ( டிசி) வழங்கி பள்ளி நிர்வாகம் கடும் நடவடிக்கை எடுத்துள்ளது.