PHOTOS : கேக்கிற்கு பணம் கேட்ட கடை உரிமையாளர்... கடையை பந்தாடிய போதை ஆசாமிகள்... பதறவைக்கும் சிசிடிவி படங்கள்!

வாங்கிய கேக்கிற்கு கடை உரிமையாளர் பணம் கேட்டதால் ஸ்வீட் கடையை அடித்து நொறுக்கி போதை அசாமிகளின் சிசிடிவி காட்சி வெளியாகி பரபரப்பை ஏற்படுத்தியுள்ளது.

நாகை மாவட்டம் திருப்பூண்டி கடை தெருவில் ஸ்வீட் கடை வைத்து நடத்தி வருகிறார் முகமது அலி. வழக்கம் போல முகமது அலி வியாபாரம் செய்து கொன்றிந்தார்.

அப்போது மது போதையில் கடைக்கு ஆட்டோ ஒன்றில் வந்த 4 நபர்கள் அரைக்கிலோ கேக் கேட்டுள்ளனர். 

கேக்கை கொடுத்த கடை உரிமையாளர், கேக்கிற்கு உரிய பணம் கேட்டுள்ளார். அதற்கு போதை ஆசாமிகள் எங்களிடமே பணம் கேட்கிறாயா? என்று கொச்சை வார்த்தைகளால் கடை உரிமையாளரை மிரட்டி உள்ளனர். 

அதோடு சற்றும் எதிர்ப்பார்க்காத போதை கும்பல், கடையில் உள்ள தராசை கீழே போட்டு உடைத்து, கடை உரிமையாளரை அடித்து கண்ணாடிகளை உடைத்து ரகளையில் ஈடுபட்டுள்ளனர். 

மேலும் கடைக்காரர் போலீசாருக்கு புகார் கொடுக்கப்பட்ட நிலையில் சிசிடிவி காட்சிகளை கொண்டு தீவிர விசாரணையில் ஈடுபட்டு வ்ருகின்றனர். 

இந்நிலையில் ஓசியில் கேக் கேட்டு தராத ஸ்வீட் கடையை அடித்து நொறுக்கிய சிசிடிவி காட்சிகள் சமூக வலைதளங்களில் வெளியாகி பரபரப்பை ஏற்படுத்தியுள்ளது.