அமோக வரவேற்பு பெற்ற ஃபீல் குட் திரைப்படம்.. 'ஹபீபி' ஓடிடி ரிலீஸ்.. எந்த தளத்தில் பார்க்கலாம்?

ஹபீபி: மீரா கதிரவன் இயக்கத்தில் கஸ்தூரி ராஜா நடிப்பில் கடந்த ஜூன் 12ம் தேதி தியேட்டரில் ரிலீஸான திரைப்படம் 'ஹபீபி'.

 படக்குழு: ஈஷா, மாளவிகா மனோஜ், தன ஸ்ரீ உட்பட பல அறிமுக நடிகர்கள் பலர் நடிப்பில் உருவானது. இசையமைப்பாளர் சாம் சி.எஸ் இசையமைத்துள்ளார்.

இஸ்லாமியர்களின் வாழ்வியல்: தமிழ் இஸ்லாமியர்களின் யதார்த்தமான வாழ்வியலை கூறும் ஃபீல் குட் திரைப்படம். அதேபோல் குடும்ப சுமை காரணமாக பிழைப்பை தேடி வெளிநாடுகளுக்கு வேலைக்கு செல்வோரின் கடினமான வாழ்வியலை கூறும் படமாகவும் உருவாக்கப்பட்டது.

எதார்த்தமான கதைக்களம்: காதல் கதை, குடும்ப பிணைப்பு, இஸ்லாமிய குடும்பங்களின் வெளிநாட்டு வாழ்க்கை ஆகியவற்றை இப்படம் எதார்த்தமாக கூறியுள்ளது.

சூப்பர் ஹிட்: தியேட்டரில் ரிலீசான இப்படம், ரசிகர்களின் அமோக வரவேற்பு பெற்றது. குறைந்த பட்ஜெட்டில் உருவான இப்படம் விமர்சனத்திலும், வசூலிலும் அமோக வரவேற்பு பெற்றது.

ஓடிடி: தியேட்டரில் ஹிட்டான இப்படம், இரண்டு மாதங்களுக்கு பிறகு ஓடிடியில் ரிலீஸாகியுள்ளது. ஹபீபி திரைப்படம் இன்று செப் 25ம் தேதி சோனி லைவ் ஓடிடியில் ரிலீஸாகியுள்ளது. இந்த வீக் எண்டு குடும்பத்துடன் பார்க்க மிஸ் பண்ணிடாதீங்க.