ஜனநாயகன் படத்தின் மொத்த பட்ஜெட் எவ்வளவு? விஜய் முதல் மமிதா பைஜூ வரை.. நடிகர்கள் வாங்கிய சம்பளம் எவ்வளவு? கணிப்பு!

இயக்குநர் ஹெச். வினோத் இயக்கத்தில் விஜய் நடிப்பில் பிரமாண்டமாக உருவாகியுள்ள திரைப்படம் 'ஜனநாயகன்'. கே.வி.என் புரொடக்ஷன்ஸ் தயாரிப்பில் சுமார் 352 கோடி ரூபாய்க்கும் அதிகமாக பட்ஜெட்டில் உருவாக்கப்பட்டுள்ளதாக கூறப்படுகிறது. 380-400 கோடி ரூபாய் பட்ஜெட்டில் உருவான விஜய்யின் 'கோட்' படத்தை விட 'ஜனநாயகன்' படத்தின் பட்ஜெட் குறைவு என்பது குறிப்பிடத்தக்கது.

ஜனநாயகன் படத்தில் விஜய்க்கு ஜோடியாக நடிகை பூஜா ஹெக்டே நடித்துள்ளார். 'பீஸ்ட்' படத்தில் இருவரும் ஜோடியாக நடித்திருந்த நிலையில் மீண்டும் 'ஜனநாயகன்' படத்தில் கூட்டணி அமைத்துள்ளனர். இப்படத்தில் விஜய்க்கு ஜோடியாக நடிக்க சுமார் 3 கோடி ரூபாய் சம்பளம் பெற்றுள்ளதாக கூறப்படுகிறது.

ராக்ஸ்டார் அனிருத், ஜனநாயகன் படத்திற்கு இசையமைத்துள்ளார். விஜய்யின் மாஸ்டர், லியோ ஆகிய படங்களுக்கு இசையமைத்த அனிருத், விஜய்யின் இறுதி படமான ஜனநாயகன் படத்திற்கும் இசையமைத்துள்ளார். இவருக்கு சுமார் 13 கோடி ரூபாய் சம்பளம் கொடுக்கப்பட்டதாக கூறப்படுகிறது.

விஜய்க்கு வில்லனாக நடிகர் பாபி தியோல் நடித்துள்ளார். இவர், இதற்கு முன் சூர்யாவின் 'கங்குவா' படத்தில் நடித்திருந்தார். அதேபோல் ஹிந்தியில் வெளிவந்த 'அனிமல்' படத்தில் இவரின் நடிப்பு அனைவராலும் அதிகம் லைக் செய்யப்பட்டது. ஜனநாயகன் படத்தில் வில்லனாக நடிக்க சுமார் 3 கோடி ரூபாய் சம்பளம் பெற்றுள்ளதாக கூறப்படுகிறது.

மலையாள நடிகை மமிதா பைஜூ, 'டியூட்' படத்தின் மூலம் தமிழில் மிகவும் பிரபலமானார். இவர், 'ஜனநாயகன்' படத்தில் விஜய்யின் தங்கை கதாபாத்திரத்தில் நடித்துள்ளார். இப்படத்தில் நடிக்க சுமார் 60 லட்சம் ரூபாய் சம்பளம் பெற்றுள்ளதாக கூறப்படுகிறது.

ஜனநாயகன் படத்தின் கேப்டன் இயக்குநர் எச். வினோத், இப்படத்தை இயக்க 25 கோடி ரூபாய் சம்பளம் பெற்றுள்ளதாக கூறப்படுகிறது. நடிகர் பாலய்யாவின் 'பகவந்த் கேசரி' படத்தின் தமிழ் ரீமேக் தான் 'ஜனநாயகன்' என்று நெட்டின்கள் விமர்சித்து வருகின்றனர்.

இறுதியாக, படத்தின் நாயகன் விஜய், இப்படத்தில் நடிக்க சுமார் 220 கோடி ரூபாய் சம்பளம் பெற்றதாக கூறப்படுகிறது. விஜய்யின் இறுதி படம் இதுவே. அதன் பின்னர் முழுநேர அரசியல்வாதியாக களமிறங்கவுள்ளார். படம் வரும் பொங்கலுக்கு கோலாகலமாக ரிலீஸாகவுள்ளது.