அம்மா உணவகத்தில் ஜெயலலிதா படத்தை மறைத்து கருணாநிதி, ஸ்டாலின் படம்..! கொந்தளித்த அதிமுகவினர்!

திருவேற்காட்டில் அம்மா உணவகத்தில் மறைந்த முதல்வர் ஜெயலலிதா படத்தை மறைத்து கருணாநிதியின் படத்தை வைத்ததற்கு அதிமுகவினர் வாக்குவாதம் செய்ததால் பரபரப்பு ஏற்பட்டுள்ளது.

கடந்த அதிமுக ஆட்சிக்காலத்தில் தமிழகம் முழுவதும் அம்மா உணவகங்கள் கொண்டு வரப்பட்டது. 

இந்த நிலையில் நொளம்பூரில் உள்ள அம்மா உணவகத்தில் திமுகவினர் ஜெயலலிதாவின் உருவப் படங்களை அகற்றியதால் பரபரப்பு ஏற்பட்டது.

பின்னர் முதல்வர் முக.ஸ்டாலின் உத்தரவின் பேரில் மீண்டும் அதே இடத்தில் மறைந்த முதல்வர் ஜெயலலிதாவின் படங்கள் வைக்கப்பட்டது. 

இந்நிலையில் திருவேற்காடு நகராட்சிக்கு உட்பட்ட பஸ் நிலையத்தில் செயல்பட்டு வரும் அம்மா உணவகத்தில் இன்று காலை ஜெயலலிதாவின் உருவ படத்தை மறைத்து கருணாநிதியின் படமும் மற்றொரு புறத்தில் தமிழக முதல்வர் மு.க. ஸ்டாலின் படம் ஓட்டப்பட்டது.

இந்நிலையில் இதை கண்டித்து அதிமுகவினர் திமுகவினரிடம் வாக்குவாதத்தில் ஈடுபட்டனர். இதனால் அங்கு பரபரப்பு ஏற்பட்டதையடுத்து போலீசார் வந்து சமரச பேச்சுவார்த்தையில் ஈடுபட்டனர். 

பின்னர் போலீசார் மறைந்த முதல்வர் ஜெயலலிதா படத்தின் மீது ஒட்டப்பட்டிருந்த மறைந்த முதல்வர் கருணாநிதியின் படத்தை அகற்றினார்.

மேலும் இதையடுத்து அதிமுகவினர் அங்கிருந்து கலைந்து சென்றனர். இதனால் அங்கு சிறிது நேரம் பரபரப்பு ஏற்பட்டது.