PHOTOS : புதருக்குள் குட்டியின் போராட்டம்.... வழிதவறிய சிறுத்தைக்குட்டி.... பீதியில் ஊர் மக்கள்... படங்கள்!

சத்தியமங்கலம் புலிகள் காப்பகத்தில் யானை, புலி, சிறுத்தை உள்ளிட்ட ஏராளமான வனவிலங்குகள் உள்ளன. 

சிறுத்தை, யானை உள்ளிட்ட வனவிலங்குகள் அவ்வப்போது வனப்பகுதியை விட்டு வெளியேறி ஊருக்குள் புகுந்து பயிர்களை சேதப்படுத்துவதும், கால்நடைகளை அடித்துக் கொல்வதும் தொடர்கதையாக உள்ளது. 

இந்த நிலையில் இன்று காலை சத்தியமங்கலம் அடுத்துள்ள ஆசனூர் மலைப்பகுதியில் பங்களாதொட்டி கிராமத்தில் மணிகண்டன் என்பவருக்கு சொந்தமான கட்டி முடிக்கப்படாமல் கட்டிடம் ஒன்று உள்ளது.

மேலும் அந்த பாதியில் விடப்பட்ட கட்டிடத்தில் சிறுத்தை குட்டி ஒன்று படுத்திருப்பதை கிராம மக்கள் கண்டு அச்சம் அடைந்தனர். 

இதுகுறித்து கிராம மக்கள் உடனடியாக ஆசனூர் வனத்துறையினருக்கு தகவல் தெரிவித்த நிலையில் ஆசனூர் மாவட்ட வன அலுவலர் மற்றும் வனத்துறை ஊழியர்கள் ஊருக்குள் புகுந்த சிறுத்தையை லாவகமாக பிடித்தனர். 

சுமார் நான்கு மாதமே உள்ள பெண் சிறுத்தை குட்டி என்பதும் ஆசனூர் வனப்பகுதியில் இருந்து வெளியேறிய சிறுத்தை குட்டி வழி தவறி ஊருக்குள் புகுந்தது தெரியவந்தது. 

இதையடுத்து சிறுத்தை குட்டியை வனச்சரக அலுவலகத்திற்கு கொண்டு சென்று உடல் நிலையை பரிசோதித்த பின் சிறுத்தை குட்டியை தாய் சிறுத்தையுடன் சேர்ப்பது குறித்து வனத்துறை உயர் அதிகாரிகள் முடிவு செய்வர் என வனத்துறை அலுவலர்கள் தெரிவித்தனர்.