இந்தியாவுக்கு 3வது பதக்கம் கன்பர்ம்ட்.. உறுதி செய்தார் பி.வி.சிந்து!

பேட்மிண்டன் வீராங்கனை பி.வி.சிந்து ஒலிம்பிக் போட்டியில் இந்தியாவுக்கு 3வது பதக்கத்தை உறுதி செய்துள்ளார்.

பேட்மிண்டனில் இந்தியாவின் நம்பிக்கை நட்சத்திரம் பி.வி.சிந்து காலிறுதி போட்டியில் வெற்றிபெற்று அரையிறுதிக்கு முன்னேறி அசத்தியுள்ளார்.

பேட்மிண்டன் பெண்கள் ஒற்றையர் பிரிவு காலிறுதி போட்டி இன்று நடைபெற்றது.

இந்திய வீராங்கனை பி.வி.சிந்து இந்த போட்டியில் ஜப்பானின் அகானே யமகுச்சியை எதிர்கொண்டார்.

முதல் செட் போட்டியிலே இரு வீராங்கனைகளும் ஆக்ரோஷத்துடன் மோதியதால் புள்ளி  மழை மாறி மாறி பொழிந்தது.

இறுதிவரை மிகவும் பரபரப்பாக சென்ற இந்த சுற்றில் 21 - 13 என்ற புள்ளிக்கணக்கில் பி.வி. சிந்து முதல் செட்டை கைப்பற்றினார்.

2வது செட் போட்டியிலும்  சிந்துவின் கையே தொடக்கம் முதல் ஓங்கிய நிலையில் இரு வீராங்கனைகளும் புள்ளிகளை குவித்து வந்தனர்.

ஒருகட்டத்தில் சுதாரித்துக்கொண்ட ஜப்பான் வீராங்கனை யமகுச்சி, ஆக்ரோஷத்துடன் விளையாட 2வது செட்டை யார் கைப்பற்றுவார் என எதிர்பார்ப்பு எழுந்து பரபரப்பை கூட்டியது.

கடைசி நேரத்தில் சில அற்புதமான ஷாட்களை ஆடிய சிந்து, எதிரணி வீராங்கனையை குழப்பி புள்ளிகளை பெற்றார்.