கடந்த 5 வருடங்களில் ரிலீஸான விஜய் திரைப்படங்கள்.. என்னென்ன? செய்த வசூல் எவ்வளவு? ஒரு பார்வை!

லோகேஷ் இயக்கத்தில் விஜய், விஜய் சேதுபதி, மாளவிகா மோகனன் நடிப்பில் 2021ல் வெளிவந்த சூப்பர் ஹிட் திரைப்படம் 'மாஸ்டர்'. JD என்ற கதாபாத்திரம் ரசிகர்களால் ஆஹா ஓஹோ என்று கொண்டாடப்பட்டது. 135 கோடி ரூபாய் பட்ஜெட்டில் உருவான இப்படம், உலகளவில் சுமார் 250 கோடி ரூபாய்க்கும் அதிகமாக வசூல் செய்தது.

நெல்சன் இயக்கத்தில் விஜய் நடிப்பில் வெளிவந்த அதிரடி ஆக்ஷன் திரைப்படம் 'பீஸ்ட்'. பெரிதும் எதிர்பார்க்கப்பட்ட இப்படம் தியேட்டரில் ரிலீஸாகி விமர்சனத்தில் செம அடிவாங்கியது. விஜய் ரசிகர்களாலும் ஏற்றுக்கொள்ளமுடியவில்லை இருப்பினும் வசூலில் வெற்றி கண்டது. அந்த வகையில் 130 கோடி ரூபாய்க்கும் அதிகமான பட்ஜெட்டில் உருவான இப்படம், 200 கோடி ரூபாய்க்கும் அதிகமாக வசூல் செய்தது.

வம்ஷி இயக்கத்தில் 2023ல் குடும்பங்கள் கொண்டாடும் படமாக ரிலீசான திரைப்படம் 'வாரிசு'. பெரும் ஹைப்பை உருவாக்கிய இப்படம், கலவையான விமர்சனங்களை பெற்றது. இப்படம் ஒரு டிவி சீரியல் என்றும் விமர்சிக்கப்பட்டது. 250 கோடி ரூபாய் பட்ஜெட்டில் உருவான இப்படம், 300 கோடி ரூபாய்க்கும் அதிகமாக வசூல் செய்தது.

இயக்குநர் லோகேஷ் கூட்டணியில் ரிலீஸான மற்றுமொரு சூப்பர் ஹிட் திரைப்படம் 'லியோ'. விஜய் உட்பட பல முன்னணி பிரபலங்கள் நடிப்பில் வெளிவந்த இப்படம் விமர்சனத்திலும், வசூலிலும் நல்ல வரவேற்பை பெற்றது. 350 கோடி ரூபாய்க்கும் அதிகமான பட்ஜெட்டில் உருவான இப்படம், 600 கோடி ரூபாய்க்கும் அதிகமாக வசூல் செய்து செம ஹிட்டானது.

வெங்கட் பிரபு இயக்கத்தில் விஜய் மூன்று ரோலில் நடித்து வெளிவந்த திரைப்படம் 'கோட்'. ரசிகர்களின் பெரும் எதிர்பார்ப்புடன் ரிலீஸான இப்படம், கலவையான விமர்சனங்களை பெற்றது. அந்த வகையில் 350-400 கோடி ரூபாய் பட்ஜெட்டில் உருவான இப்படம், 460 கோடி ரூபாய்க்கும் அதிகமாக வசூல் செய்தது.

இறுதியாக, எச்.வினோத் இயக்கத்தில் அனிருத் இசையில் விஜய் நடிப்பில் உருவாகியுள்ள திரைப்படம் 'ஜனநாயகன்'. 2026 பொங்கலுக்கு செம எதிர்பார்ப்புடன் ரிலீஸாகவுள்ள ஜனநாயகன், 1000 கோடி ரூபாய் வசூல் செய்யும் என்று எதிர்பார்க்கப்படுகிறது. விஜய்யின் கடைசி படம் என்பதால் வசூல் வேற லெவல் இருக்கும் என்று எதிர்பார்க்கப்படுகிறது.