தலைவரே கொஞ்சம் வெயட் செக் பண்ணனும்!......முதுமலையில் யானைகளுக்கு எடை பரிசோதனை....சப்ரைஸ் குடுத்த யானைகள்!

நீலகிரி மாவட்டம் கூடலூரை அடுத்துள்ள முதுமலை புலிகள் காப்பகத்தில் உள்ள வளர்ப்பு யானைகள் மொத்தம் 28 உள்ளன. 

இந்த யானைகளுக்கு எடை பரிசோதனை செய்வது வழக்கமாக உள்ள நிலையில் நான்கு யானைகள் தேவாலா புளியம்பாறை பகுதிகளில் காட்டு யானைகள் விரட்ட சென்றுள்ளன. 

இந்நிலையில் மூன்று யானைகள் மசினகுடி பகுதியில் ரிவால்டோ என்ற யானையை பாதுகாப்பதற்கும் மக்கள் குடியிருக்கும் பகுதிக்கு வராதவாறு கண்காணிக்கவும் செல்லப்பட்டுள்ளது. 

இந்நிலையில் மீதம் உள்ள யானைகளுக்கு வனத்துறைக்கு சொந்தமான தொரப்பள்ளி உள்ள எடை மேடையில் இன்று எடை பரிசோதனை செய்யப்பட்டது.

வனத்துறையினர் எடை பரிசோதனை செய்ததில் அதிகப்படியாக கிரி என்ற யானை 150 கிலோ வரை எடை கூடியுள்ளது என வனத்துறை அதிகாரிகள் தெரிவித்தனர்.