கல்லீரலை பாதிக்கக்கூடிய ஹெபடைடிஸ் வைரஸ் பரவாமல் தடுக்க என்ன செய்யலாம்..?

Published: Saturday, February 24, 2024, 13:19 [IST]

கல்லீரலின் வீக்கத்தை குறிக்கிற ஹெபடைடிஸ் பல வைரஸ்களால் ஏற்படுகிறது. இது கல்லீரல் புற்றுநோய் உள்ளிட்ட பல்வேறு ஆபத்தான நோய்களுக்கு வழிவகுக்கும். மோசமான சுகாதாரம் உள்ள பகுதிகளினால் அதிகம் பரவக்கூடிய இந்த வைரஸ் தொற்றை பற்றி விரிவாக இந்த பதிவில் பார்க்கலாம்.

1/9

ஹெபடைடிஸ் வைரஸ் தோற்று நோய் ஆரம்பத்தில் எந்த அறிகுறிகளையும் காட்டாமல் இருக்கலாம், ஆனால் இந்நோய் அதன் தீவிர நிலையை அடைந்தவுடன் தான் அறிகுறிகள் முழுமையாக வெளிப்படும். அப்படியான சமயங்களில் உரிய நேரத்தில் சிகிச்சை எடுத்துக்கொள்ளாவிட்டால் உயிருக்கு ஆபத்தை ஏற்படுத்திவிடும்.

2/9

ஹெபடைடிஸ் அழற்சியை ஏற்படுத்தக்கூடிய வைரஸ்களில் ஏ (HAV), பி (HBV), சி (HCV), டி (HDV), இ (HEV) என 5 வகைகள் உள்ளன. ஹெபடைடிஸ் ஏ மற்றும் ஈ ஆகியவை குறுகிய கால நோய்களாகும். அதேபோல், ஹெபடைடிஸ் பி, சி, டி ஆகியவை நீண்டகால வகை நோய்களாகும்.

3/9

ஹெபடைடிஸ் ஏ அசுத்தமான நீர் மற்றும் உணவு வழியாக பரவுகின்றன. ஹெபடைடிஸ் பி பாலியல் உறவு மூலம் பரவுகிறது. இது கல்லீரல் திசுக்களில் வீக்கத்தை ஏற்படுத்தக்கூடியது. ஹெபடைடிஸ் சி இரத்தம் மூலம் பரவுவதால், பாதிக்கப்பட்ட இரத்தத்துடன் தொடர்பு கொள்ளாமல் இருக்க வேண்டும்.

4/9

ஹெபடைடிஸ் டி ஆனது பி வகை வைரஸால் பாதிக்கப்பட்ட நோயாளிகளுக்கு மட்டுமே ஏற்படுகிறது. அதனால்தான் ஹெபடைடிஸ் பி தடுப்புக்கான தடுப்பூசிகள் ஹெபடைடிஸ் டி நோய்த்தொற்றை தடுக்கவும் பயன்படுத்தப்படலாம்.

5/9

சோர்வு, பசியின்மை, காய்ச்சல், தசை அல்லது மூட்டு வலி, குமட்டல், வாந்தி, வயிற்றுப்போக்கு, மஞ்சள் காமாலை, எடை இழப்பு போன்றவை இந்நோயின் பொதுவான அறிகுறிகளாகும். உயிருக்கு ஆபத்தை விளைவிக்கக்கூடிய இந்த கல்லீரல் நோய்த்தொற்றானது, அதிகமாக ஹெபடைடிஸ் B வைரஸால் ஏற்படுகிறது.

6/9

ஹெபடைடிஸ் பி ஆனது வயதானவர்களில் மோசமான விளைவை ஏற்படுத்தும். எனவே அறிகுறி உணர்ந்து பாதிப்பை அறிந்தவுடன் தாமதிக்காமல் மருத்துவ சிகிச்சையை மேற்கொள்ள வேண்டும்.

7/9

ஹெபடைடிஸ் B தடுப்பூசி அனைத்து குழந்தைகளுக்கும் பிறந்த 24 மணி நேரத்திற்குள் கொடுக்கப்பட வேண்டும் என்று WHO பரிந்துரைக்கிறது. இந்நோய்த்தொற்று பரவக்கூடிய பொதுவான வழிகளை இப்போது பார்ப்போம்.

8/9

மோசமான சுகாதாரத்துடன் வீடற்ற நிலையில் வசிப்பவர்கள் இந்த தொற்றுநோய்க்கான அதிக ஆபத்தில் உள்ளனர். ஹெபடைடிஸ் வராமல் தடுக்க தடுப்பூசி போடுவது கட்டாயம் ஆகும். அதோடு சோப்பு மற்றும் தண்ணீருடன் கைகளை நன்றாக கழுவவும். பயணம் செய்யும்போது சுகாதாரமான நீரை குடிக்கவும்.

9/9

ஹெச்பிவி பாதிக்கப்பட்ட ஒருவருடன் ஆணுறை அல்லது தடுப்பு முறை இல்லாமல் உறவு கொள்வது, முத்தம் கொடுப்பது, பற்களில் இரத்தக்கசிவு இருப்பவர்களின் பிரஷ்-ஐ பயன்படுத்துவது, சுத்தம் செய்யாத உபகரணங்களுடன் பச்சை குத்துதல், தும்மல், இருமல் போன்ற பல காரணிகளால் இந்நோய்த்தொற்று பரவக்கூடியது என்பதால் பாதுகாப்பாக இருக்க வேண்டும்.