PHOTOS : நடுவானில் பிறந்த அதிசிய குழந்தை... பெண்ணுக்கு உதவிய டாக்டர்... நடுவானில் நெகிழ்ச்சி சம்பவம்.... சுவாரஸ்ய படங்கள்!

விமானத்தில் பறந்துகொண்டிருக்கும்போது பெண் ஒருவருக்கு பிரசவ வலி ஏற்பட்டு குழந்தை பிறந்த சம்பவம் இணையத்தால் வைரலாக வலம் வருகிறது. 

ரொரன்றோ பல்கலையில் பேராசிரியராக பணியாற்றும் Dr. ஆயிஷா காதிப் (Dr Aisha Khatib), உகாண்டாவிலுள்ள Entebbe என்ற இடம் நோக்கி பயணித்துக்கொண்டிருந்திருக்கிறார்.

விமானம் தரையிறங்குவதற்கு சுமார் ஒரு மணி நேரம் இருக்கும்போது, திடீரென விமானத்தில் மருத்துவர்கள் யாராவது உள்ளார்களா என விமானப் பணிப்பெண்கள் கேட்டுள்ளனர்.

அதற்கு ஆயிஷா என்ற பெண் எழுந்து என்ன விஷயம் என கேட்க ஒரு பெண் பிரசவம் ஆகத் தொடங்கிவிட்டது என விமான பணியாளர்கள் தெரிவித்தனர். 

மேலும் உடனடியாக விமானத்திலிருந்த செவிலியர் ஒருவரும், குழந்தைகள் நல மருத்துவர் ஒருவரும் ஆயிஷாவுக்கு உதவிக்கு வர, நடு வானில், நைல் நதிக்கு மேல் 35,000 அடி உயரத்தில் பெண் குழந்தை ஒன்றைப் பெற்றெடுத்துள்ளார் அந்தப் பெண்.

ஆயிஷாவின் உதவியால் நெகிழ்ந்து போன அந்தப் பெண், அற்புதமாக நடுவானில் பிறந்த தன் குழந்தைக்கு மிரக்கிள் ஆயிஷா (Miracle Aisha) என்று பெயரிட்டிருக்கிறார்.

இந்நிலையில் விமானத்தில் பறந்துகொண்டிருக்கும்போது பெண் பிரசவித்த சம்பவம் இணையத்தில் புகைப்படத்துடன் வைரலாக வலம் வருகிறது.