டாப் அரசியல்வாதிகள் - இந்தியா

சுதந்திரம் அடைந்த நாள் முதல் 200க்கும் மேற்பட்ட அரசியல் கட்சிகளை கண்டு, உலகின் மிகப் பெரிய ஜனநாயக நாடாக விளங்குகிறது இந்தியா. மற்ற நாடுகளுடன் ஒப்பிடுகையில் இந்தியாவில் அதிக எண்ணிக்கை கொண்ட அரசியல் கட்சிகள் உள்ளன. அவற்றுள் சில தலைவர்களை சுற்றி பிணையப்பட்டுள்ளன. இந்தியாவில் இரு முக்கிய கட்சிகள் என்றால் அது காங்கிரஸ் மற்றும் பாஜக ஆகும். இவைதான் தேசிய அரசியலை ஆக்கிரமித்துள்ளன. இந்தியாவின் முதல் பிரதமர் ஜவஹர்லால் நேரு நவீன இந்தியாவை வடிவமைத்தவராக கருதப்படுகிறார். அவரது மகள் இந்திரா காந்தியோ இந்தியாவின் முதல் பெண் பிரதமராகி வரலாறு படைத்தார். நீண்ட காலமாக காங்கிரஸ் கட்சியின் ஆதிக்கத்தில் இந்திய அரசியல் காட்சிகள் இருந்த போதிலும் கடந்த சில ஆண்டுகளாக அடல் பிகாரி வாஜ்பாய் மற்றும் நரேந்திர மோடி ஆகிய தலைவர்களால் பாஜகவின் எழுச்சியையும் இந்தியா சந்தித்துக் கொண்டிருக்கிறது.