சுஷில் குமார் மோடி

சுஷில் குமார் மோடி, பாஜகவைச் சேர்ந்த அரசியல் தலைவர். பீகார் மாநிலத்தின் துணை முதல்வராக ஜூலை 2017 முதல் பதவி வகித்து வருகிறார். சுஷில் மோடி 1952ஆம் ஆண்டு பிறந்தார். அவர் பாட்னாவில் உள்ள பி.என் கல்லூரியில் இளங்கலை அறிவியல் படித்தார். மேலும் 1973ஆம் ஆண்டு பாட்னா
அறிவியல் கல்லூரியில் தாவரவியல் படிப்பில் பட்டம் பெற்றார். பாட்னா பல்கலைக்கழகத்தில் முதுகலை தாவரவியல் பாடத்திட்டத்தை படித்து கொண்டிருந்த போது அதை விட்டுவிட்டு, ஜெய் பிரகாஷ் நாராயண் அவர்களால் தொடங்கப்பட்ட சமூக இயக்கத்தில் சேர்ந்தார். 005 முதல் 2013 வரை பீகார் மாநிலத்தின் துணை முதலமைச்சராகவும் மற்றும் நிதி அமைச்சராகவும் இருந்தது குறிப்பிடத்தக்கது. அவர் ராஷ்டிரிய ஸ்வயம்சேவக் சங்கத்தின் வாழ்நாள் உறுப்பினர் ஆவார். 2011ம் ஆண்டு ஜூலை மாதம் ஜிஎஸ்டி வரி அமலாக்கம் தொடர்பான மாநில நிதி அமைச்சர்களின் உயர் நிலைக் குழுவின் தலைவராக நியமிக்கப்பட்டார்.