"கைவசம் தொழில் இருக்கு".. எதிர்நீச்சல் ஈஸ்வரியின் திடீர் போஸ்ட்! சீரியலுக்கு முழுக்கா.. பரபரப்பு

Updated: Sunday, December 24, 2023, 16:18 [IST]

Subscribe to Oneindia Tamil

கொழும்பு: இப்போ என் கைவசம் ஒரு தொழில் இருக்கே, கவலை எதற்கு என கேட்டுள்ள நடிகை கனிகா போட்ட ட்வீட்டால் ரசிகர்கள் மத்தியில் சலசலப்பு ஏற்பட்டுள்ளது.

திரைப்படம் என்றில்லை சீரியலில் நடித்தாலும் மக்கள் மனதை பிடிக்கலாம் என்பதை கே பாலசந்தர் காலத்து சீரியல்கள் முதல் இன்றுள்ளவை வரை சீரியல்களும் அதில் நடிக்கும் நடிகர், நடிகைகளும் பிரபலமடைந்துள்ளனர்.

அந்த வகையில் சன் டிவியில் ஒளிபரப்பாகும் சீரியல் எதிர்நீச்சல். இது அனைவரது வரவேற்பையும் பெற்றுள்ளது. இந்த சீரியலில் குணசேகரன் என்ற கதாபாத்திரம்தான் அனைத்துமே. அப்படி அந்த கேரக்டருக்கு உயிரோட்டமாக இருந்தவர் நடிகர் மாரிமுத்து.

இவர் அண்மையில் மாரடைப்பால் உயிரிழந்துவிட்டார். இவரது மதுரை தமிழ், நக்கல், நய்யாண்டித்தனமான பேச்சு உள்ளிட்டவைகளால் ரசிகர்கள் மாரிமுத்துவை பெரிதும் விரும்பினர். மேலும் அவருக்கென தனி ஆர்மியெல்லாம் தொடங்கப்பட்டது. அது போல் அவர் வில்லனாக இருந்தாலும் அவரை பல பெண்களுக்கு பிடித்திருந்தது.

பெண்ணடிமைத்தன கேரக்டர் நடித்திருந்தாலும் அவருக்கு ரசிகர்கள் ஏராளமானோர் உள்ளனர். அவர் மறைந்தவுடன் வேல ராமமூர்த்தி இந்த கேரக்டருக்கு பொருத்தமான இருப்பார் என கருதப்பட்டது. அவரிடம் கால்ஷீட் தட்டுப்பாடு என்பதால் அதுவரை குணசேகரன் கேகர்டரே இருக்காதபடி கதை களம் அமைந்தது. இதையடுத்து வேல ராமமூர்த்தியின் கால்ஷீட் கிடைத்தவுடன் தற்போது அவர் நடித்து வருகிறார்.

இந்த சீரியலில் மாரிமுத்து இருக்கும் போது பெரிதும் பேசப்பட்டவர் கனிகா. அதாவது ஈஸ்வரி கேரக்டர். இவர் தமிழில் 2002 ஆம் ஆண்டு வெளியான 5 ஸ்டார் படத்தின் மூலம் ஹீரோயினாக அறிமுகமானார். இதைத் தொடர்ந்து மாதவனுடன் எதிரி, சேரனுக்கு ஜோடியாக ஆட்டோகிராப், அஜித்துக்கு ஜோடியாக வரலாறு உள்ளிட்ட படங்களில் நடித்துள்ளார்.

தமிழில் மட்டுமல்லாமல் இவர் தெலுங்கு, கன்னடம், மலையாள படங்களிலும் ஹீரோயினாக நடித்துள்ளார். தமிழில் ஜெனிலியா, சதா, ஸ்ரேயா உள்ளிட்டோருக்கு டப்பிங் பேசியுள்ளார். திருமணத்திற்கு பிறகும் மலையாள படங்களில் குணசித்திர வேடங்களில் நடித்திருந்தார். தமிழில் கடந்த ஆண்டு முதல் ஒளிபரப்பாகி வரும் எதிர்நீச்சல் சீரியலில் ஈஸ்வரி எனும் கதாபாத்திரத்தில் நடித்து வருகிறார்.

இந்த சீரியல் மூலம் இவருக்கு தனி ரசிகர்கள் உள்ளன. சமூகவலைதளங்களிலும் இவர் ஆக்டிவ்வாக இருந்து வருகிறார். இவருடைய லேட்டஸ்ட் புகைப்படங்கள், வீடியோக்களை பதிவிடவும் செய்கிறார். இந்த நிலையில் இவர் இலங்கைக்கு சென்றுள்ளார். அங்கு ஆட்டோ ஓட்டும் வீடியோவை வெளியிட்டுள்ளார். அதில் கைவசம் தொழில் இருக்கு என கேப்ஷன் போட்டுள்ளார்.