ஒரு விருதுக்குப் போட்டியிடும்.. கல்யாண வீடு சீரியலின் மூணு சகோதரிகள்!
Recommended Video
சென்னை: சன் குடும்ப விருதுகளுக்கு கல்யாண வீடு சீரியலின் மூன்று சகோதரிகளும் பாசமான சகோதரிகள் விருதுக்கு நாமினேட் ஆகி இருக்கிறார்கள்.
சிறந்த தாய், மாமனார் போன்ற கதாபாத்திரங்களுக்கான விருதுகளுக்கும் நாமினேட் ஆனவர்களை அறிவித்து இருக்கிறது சன் டிவி.
அதன் படி பாசமான சகோதரிகளுக்கான நாமினேஷனில் ஒரு சீரியலை சேர்ந்த மூன்று பேர் அறிவிக்கப்பட்டு இருப்பது கொஞ்சம் ஓவர்தான்.
கல்யாண வீடு சீரியல்
சன் டிவியில் இயக்குநர் திருமுருகனை ஓவராக தூக்கிக் கொண்டாடுகிறார்களோ என்று சொல்லும் அளவுக்கு, அவர் கதையில் பெண்களை எந்த அளவுக்கு கொண்டாடுகிறாரோ அந்த அளவுக்கு மட்டம் தட்டும் கதாபாத்திரங்களும் இருக்கிறது. ஆனாலும் கல்யாண வீடு சீரியலுக்கு மட்டும் மூன்று தங்கைகளுக்கு நாமினேஷன் கொடுத்து இருப்பது கொஞ்சம் ஓவர்தான்.
கோபி குடும்பம்
அவருக்கு சாதகமானவர்கள், கதையில் அவர் குடும்பத்தை சார்ந்தவர்கள் அதாவது தங்கை அம்மா கதாபாத்திரங்கள் மட்டுமே நல்லவர்கள் என்பது போல் சித்தரித்து காண்பித்து மற்ற குடும்பத்தை சார்ந்த பெண்களில் சிலரை ஏகத்துக்கும் கெட்டவர்கள் என்பது போல சித்தரித்து காட்டி இருப்பது முகம் சுளிக்க வைப்பதாக இருக்கிறது.
தமிழ்செல்வி சீரியல்
பகல் நேரத்தில் ஒளிபரப்பாகி வரும் தமிழ்ச்செல்வி சீரியலில் தமிழ்ச்செல்வியின் தங்கை கதாபாத்திரம் மல்லிகா . இதில் வாணி ராணி சீரியலில் தேனுவாக நடித்து புகழ்பெற்ற பெண் நடித்து இருக்கார் இவரையும் நாமினேட் செய்துள்ளது சன் டிவி.
லட்சுமி ஸ்டோர்ஸ் கண்மணி
லட்சுமி ஸ்டோர்ஸ் சீரியலில் பாக்யலட்சுமியின் தங்கையாக நடிக்கும் வனிதா, கண்மணி சீரியலில் சவுந்தர்யாவின் அக்காவான சரண்யா இருவரையும் நாமினேட் செய்துள்ளது. கண்மணியில் சரண்யாவுக்கு அண்மை காலமாக கொஞ்சம் சுவாரஸ்யமாக நடிக்கும் வாய்ப்பு கிடைத்துள்ளது.
பார்க்கலாம் யாருக்கு பாசமான சகோதரிக்கான விருது கிடைக்கும் என்று...!