அமிதாப் படமும் ஓடிடி இயங்கு தளத்திலா..? செம ஜாலி!

Published: Wednesday, April 29, 2020, 16:38 [IST]

மும்பை: இந்திய சூப்பர் ஸ்டார் அமிதாப் பச்சன் படமும் ஓடிடி இயங்கு தளத்தில் வெளியாக வாய்ப்புள்ளது என்று தகவல்கள் வெளியாகி வருகின்றன. இந்த நிலையில் அமிதாப் தனது இன்ஸ்டா பக்கத்தில் 37 வருடங்களுக்கு முன் எடுத்த கவர்ச்சி புகைப்படம் ஒன்றை பதிவிட்டு இருக்கார்.

நகைச்சுவை படம்

பாலிவுட் சூப்பர் ஸ்டார் அமிதாப் பச்சன் சமீபத்தில் இன்ஸ்டாகிராமில் பகிர்ந்த படத்தைப் பார்த்து பலரும் சிரித்து தங்களது நகைச்சுவையை வெளிப்படுத்தி இருக்கின்றனர். பிக் பி என்கிற அவரது இன்ஸ்டா பக்கத்தில் அரைகுறை உடையிலான ஒரு படத்தை அமிதாப் வெளியிட்டு இருப்பது ரசிக்கவும், சிரிக்கவும் வைத்துள்ளது.

பிகினி இல்லை

இந்த உடை பிகினி இல்லை என்றும், அவர் தான் அணிந்து இருக்கும் உடையை பாரா ஹுவா கினி என்றும் குறிப்பிட்டு உள்ளார். இந்த புகைப்படம் அவர் மூன்று வேடங்களில் நடித்த மஹான் திரைப்படத்தில் இருந்து வந்திருப்பதாகவும், படம் வெளியாகி 37 ஆண்டுகள் நிறைவடைந்துள்ளதாகவும் இன்ஸ்டாவில் நினைவுகளை பகிர்ந்து கொண்டுள்ளார் அமிதாப்..

படங்கள் இருக்கின்றன

நடித்து முடித்து இருக்கும் படங்களும், நடிக்க வேண்டிய படங்களும் இருக்கின்றன என்று கூறி உள்ள அமிதாப், லாக்டவுனால் திட்டமிட்ட படங்கள் கிடப்பில் இருப்பதாகவும் தெரிவித்து உள்ளார். படப்பிடிப்பு முடிந்து ரிலீசுக்கு தனது படங்கள் காத்து இருப்பதாகத் தெரிவித்து இருக்கார் அமிதாப்.

ஓடிடி இயங்கு தளம்

அமிதாப் பச்சன் தனது இரண்டு படங்கள் எல்லா பணிகளும் நிறைவடைந்து ரிலீசுக்காக காத்து இருக்கின்றன என்று தெரிவித்து இருப்பதை பார்த்து, இந்த படங்கள் இரண்டும் ஓடிடி இயங்கு தளத்தில் வெளியாகும் வாய்ப்பும் உள்ளது என்று எதிர்பார்க்கத் துவங்கி உள்ளனர். இவர்களின் எதிர்பார்ப்பு நிறைவேறினால் ஆச்சரியப்படுவதற்கு இல்லை.