மதன் பாபு மியூசிக் ட்ரூப்ல ஏ ஆர். ரஹ்மான் கீ போர்ட் வாசிச்சாரா?.. வாவ்...!
சென்னை: சன் டிவியின் வணக்கம் தமிழா நிகழ்ச்சியில் நடிகர் மதன் பாப் சிறப்பு விருந்தினராக கலந்துகொண்டார்.
அப்போது பேசிய அவர் தனது குடும்பமே இசைக் குடும்பம்னு சொன்னார். அப்போது சொந்தமாக ஒரு மியூசிக் ட்ரூப் வச்சு நடத்திக்கிட்டு இருந்ததாகவும் குறிப்பிட்டார்.
மனைவி நல்லா பாடுவார். மகன்,மகள் ரெண்டு பேருமே சினிமா பாடல்கள் பாடி உள்ளனர். இமான் இசை, மற்றும் ஸ்ரீகாந்த் தேவா இசையில் இவர்கள் ரெண்டு பேரும் பாடி உள்ளனர் என்றும் கூறினார்.
காக்டெயில் பார்ட்டிக்கு ஒரு எபிசோடா...? முடியலடா சாமி...!
கிரி படத்தில் வீடு கட்டி கிரகப் பிரவேசம் செய்து வீட்டின் உள்ளே போக காலடி கூட எடுத்து வைக்க முடியாதபடி வடிவேலுவால் வரும் பிரச்சனைகளை நினைவு கூர்ந்து சிரித்தார்.
சுந்தர் சி சார் நல்ல காமெடி பட இயக்குநர். அவர் சொல்றதை அப்படியே செய்தாலும் இல்லை நாம் கொஞ்சம் மெருகேற்றி செய்தாலும் காமெடி ரொம்ப அழகா மக்கள்கிட்ட ரீச் ஆகும்னு சொன்னார்.
தெனாலி படத்தின் வெற்றி விழாவில் பேசிய ரவிக்குமார் சார்தான்,என்னோட ட்ரூப்ல ரஹ்மான் சார் கீபோர்டு வாசிச்சதா சொன்னார். எனக்கு கூட நினைவில்லை.
ரஹ்மான் சார் ரவிக்குமார் சார்கிட்ட சிரிச்சுகிட்டே இருக்காரே இவர் ட்ரூப்ல நான் கீபோர்டு வாசிச்சு இருக்கேன்னு சொன்னாராம். எனக்கு தெரிஞ்சு இருந்தா நானே கூட இதை மேடையில சொல்லி இருக்கமாட்டேன்னு சொன்னார்.
அவர் என் ட்ரூப்ல கீபோர்டு வாசிச்சது என் பாக்கியம்னு சொல்லி சிரித்தார் மதன்பாப். எல்லாரும் எப்பவும் சிரிச்சுகிட்டே இருந்தா நல்லது. ஆனா,நான் சிரிச்சுகிட்டே இருந்தா எனக்கு பணம் வரும்னு தன் டிரேட் மார்க் சிரிப்போடு சொல்லிவிட்டு, மீண்டு அதே சிரிப்பை உதிர்த்து டாடா சொன்னார்.