Ayudha Pooja Special: விஜய் நட்சத்திரங்களின் ரெடி டேக் ஆக்ஷன்!
சென்னை: தொலைக்காட்சிகள் ஆயுத பூஜைக்கு என்று சிறப்பு நிகழ்ச்சிகளை வழங்க தயாராகி வருகின்றன. அதன் ப்ரோமோக்கள் வெளியாகி இதற்கென காத்திருக்கும் மக்களின் ஆர்வத்தை தூண்டி வருகின்றன.
சானல்கள் மெனக்கெடுகின்றன என்றாலும், ரொம்ப மெனக்கெடுவதில்லை.தங்கள் தொலைக்கட்சியின் சீரியல் நட்சத்திரங்கள் மற்றும் நிகழ்ச்சித் தொகுப்பாளர்களை வைத்து சிறப்பு நிகழ்ச்சிகளை நடத்தி விடுகின்றன.
விஜய் டிவி தனது சீரியல் நட்சத்திரங்கள், தொகுப்பாளர்களை வைத்து ரெடி டேக் ஆக்ஷன் என்று சிறப்பு நிகழ்ச்சியை ஆயுத பூஜைக்கு சூட் செய்து இருக்கிறது. இப்போது அதன் ப்ரோமோவை வெளியிட்டு வருகிறது.
ஆக்ஷன் நிகழ்ச்சி
ரெடி டேக் ஆக்ஷன் ஸ்பெஷல் ரியாலிட்டி கேம் ஷோ மாதிரி இல்லாமல், விளையாட்டுடன் கூடிய வீர தீர சாகச நிகழ்ச்சி மாதிரி தெரிகிறது. மணிமேகலை, ரியோ உள்ளிட்ட பலர் கலந்துகொண்டு இருக்கின்றனர். நிகழ்ச்சியை அவுட்டோரில் ஷூட் செய்து இருக்கிறார்கள்.
ஆயிரம் இருந்தும் வசதிகள் இருந்தும் சானல்கள் செட் ப்ராப்பர்டி?
வரும் திங்கள்
வரும் திங்கள் ஆயுத பூஜை விழா நாள்.இந்த தினத்தில் காலை 9 மணிக்கு ரெடி டேக் ஆக்ஷன் என்கிற இந்த நிகழ்ச்சி ஒளிபரப்பாக உள்ளது. நிகழ்ச்சியில் கலந்து கொள்ளும் ஆண்களும், பெண்களும் விஜய் டிவியின் நட்சத்திரங்கள் என்பதால், பரிச்சய முகங்களுடன் இந்த ஷோ நடக்கிறது.
புதுசு இல்லை
இப்போது சானல்கள் சிறப்பு நிகழ்ச்சிகள் என்று ஒளிபரப்பும் ரியாலிட்டி ஷோக்கள் எதுவும் புதிது இல்லை. திரை நட்சத்திரங்களின் நேர்காணல், வெளியான திரைப்படங்கள் தொடர்பான பார்வை என்று எதுவும் இல்லை.இதெல்லாம் தயார் செய்ய யாரும் பெரிதாக மெனக்கெடுவது இல்லை.
பெரிய திரையை
தொலைக்காட்சி சானல்கள் ஒரு காலத்தில் வெள்ளித் திரையை மட்டுமே நம்பி இருந்தன. நட்சத்திரங்களின் நேர்காணல், இயக்குனர்களின் நேர்காணல் என்று அமர்க்களப்படும். இப்போது இவர்களை சார்ந்து எந்த தொலைக்காட்சி சானல்களும் இல்லை. தங்களது தொலைக்கட்சித் தொடர்களில் நடிக்கும் நட்சத்திரங்களை வைத்தே சிறப்பு நிகழ்ச்சிகள் என்று விழா நாட்களை கடத்தி வருவதை வழக்கமாக கொண்டு உள்ளன.