Just In

பிக் பாஸ் 2 : திரும்பத் திரும்ப ‘அதே’ தப்பை செய்றீங்களே பாஸு!

பிக் பாஸ் நிகழ்ச்சியின் ப்ரோமோவில் காட்டப்படும் காட்சிகள் நிகழ்ச்சியில் இருப்பதில்லை.

Updated: Thursday, July 12, 2018, 18:09 [IST]

சென்னை: பார்வையாளர்கள் எவ்வளவோ சுட்டிக் காட்டியும் தொடர்ந்து ப்ரோமோவில் ஒன்றும், நிகழ்ச்சியில் வேறொன்றுமாகக் காட்டுவதை வழக்கமாகக் கொண்டுள்ளது பிக் பாஸ்.

பிக் பாஸ் நிகழ்ச்சித் தொடங்கி 25 நாட்களுக்கு மேலாகியும் இதுவரை விறுவிறுப்பு கூடவில்லை. பிக் பாஸும் தலைகீழாக நின்று தண்ணீர் குடித்து பார்க்கிறார், ஆனாலும் போட்டியாளர்கள் முதல் சீசனைப் பார்த்திருப்பதால் மிகவும் உஷாராக நடந்து கொள்கின்றனர்.

இதனால் முதல் சீசனுக்கு கிடைத்த வரவேற்பு இம்முறை இல்லை. பலரும் சேனலை மாற்றிச் சென்று விடுகின்றனர்.

சப்பென நிகழ்ச்சி:

இதனால் பார்வையாளர்களின் எதிர்பார்ப்பைத் தூண்டும் வகையில் மற்ற சீரியல்களின் இடையே பரபரப்பான பல ப்ரோமோக்கள் வெளியிடப்படுகின்றன. ப்ரோமோவைப் பார்த்து ஆர்வமாக பார்த்தால் நிகழ்ச்சி சப்பென்று இருக்கிறது.

பதவியை இழக்கும் ரம்யா:

நேற்றும் அப்படித்தான், ப்ரோமோவில் இவ்வார பிக் பாஸ் வீட்டு தலைவியான ரம்யா, டாஸ்கில் கலந்து கொள்ள முடியாது என கூறுவது போலவும், இதனால் அவர் தலைவி பதவியை இழப்பது போல் பிக் பாஸ் எச்சரிப்பது போன்றும் ப்ரோமோ ஒளிபரப்பானது. அதோடு அடுத்த வாரத்திற்கு அவர் நேரடியாக எலிமினேசனுக்கு நாமினேட் செய்யப்படுவார் என்றும் கூறப்பட்டது.

ஆவல்:

எனவே நேற்றைய நிகழ்ச்சி பரபரப்பாக இருக்கும் என எதிர்பார்க்கப்பட்டது. கடந்த சீசனிலும் சரி, இதுவரையிலும் சரி, பிக் பாஸ் வீட்டில் தலைவராக பதவி ஏற்றவர்கள் பாதியில் வெளியேறியது இல்லை. ஆனால், இது புதிதாக இருக்கிறதே என்ற ஆவல் பார்வையாளர்கள் மத்தியில் ஏற்பட்டது.

நிகழ்ச்சியில் இல்லை:

ஆனால், இது தொடர்பாக காட்சிகள் நிகழ்ச்சியில் இல்லை. அவை இன்று ஒளிபரப்பப்படும் என எதிர்பார்க்கப்படுகிறது. அப்படியானால், இன்று ஒளிபரப்பப் போகும் காட்சிகளுக்கு நேற்றே ஏன் ப்ரோமோ போட்டார்கள் என பார்வையாளர்கள் கோபமடைந்துள்ளனர்.

தொடரும் ஏமாற்றம் :

ஏற்கனவே சமூகவலைதளப் பக்கங்களில் பிக் பாஸ் நிகழ்ச்சியின் ப்ரோமோவில் காட்டப்படும் காட்சிகள் நிகழ்ச்சியில் இல்லை என்ற குற்றச்சாட்டு பரவலாக உள்ளது. இனி வரும் நாட்களிலாவது இந்த போக்கை பிக் பாஸ் மாற்றுவார் என எதிர்பார்த்தால், தொடர்ந்து பார்வையாளர்கள் எரிச்சலடையும் வகையில் அதே தப்பை தொடர்ந்து வருகிறார்.