Just In

பிக்பாஸ் 2 : திரும்பவும் ஓவியாவா? அப்செட் ஆன சக போட்டியாளர்கள்

ஓவியாவின் வருகையால் சக போட்டியாளார்கள் அதிர்ச்சி அடைந்துள்ளனர்.

By Jaya Chitra

Updated: Monday, June 18, 2018, 14:13 [IST]

Recommended Video

17-ஆவது போட்டியாளராக வெண்ணிற ஆடையில் ஓவியா- வீடியோ

சென்னை: பிக்பாஸ் வீட்டிற்குள் ஓவியாவைப் பார்த்ததும் சக போட்டியாளர்கள் அதிர்ச்சி அடைந்துள்ளனர்.

பிக்பாஸ் சீசன் 2 நிகழ்ச்சி நேற்று முதல் ஒளிபரப்பாகத் தொடங்கியுள்ளது. முதல்நாளான நேற்று போட்டியாளர்களை பார்வையாளர்களுக்கு அறிமுகப்படுத்தி, வீட்டிற்குள் வழியனுப்பி வைத்தார் நடிகர் கமல்.

பார்வையாளர்களுக்கு மட்டுமின்றி போட்டியாளர்களுக்கும் அதிர்ச்சி அளிக்கும் விதமாக, அதிரடி எண்ட்ரி கொடுத்தார் ஓவியா.

பிக்பாஸ் வீட்டிற்குள் ஒவ்வொரு போட்டியாளர்களாக வந்தபோது, சக போட்டியாளர்கள் மகிழ்ச்சி தெரிவித்தனர், நன்றாக பேசிக் கொண்டனர். ஆனால் ஓவியா வந்தபோது அப்படி நடக்கவில்லை.

பெண் போட்டியாளர்கள்:

போட்டியாளராக ஓவியாவை சற்றும் எதிர்பார்க்காத அவர்கள், அதிர்ச்சி அடைந்தனர். இது அவர்களது முகத்தில் அப்பட்டமாகத் தெரிந்தது. அதிலும் குறிப்பாக பெண் போட்டியாளர்கள் ஓவியாவைப் பார்த்து வாயடைத்துப் போனார்கள்.

அமோக வரவேற்பு:

காரணம் கடந்த சீசனில் ஓவியாவிற்கு கிடைத்த வரவேற்பு அப்படி. கட்சித் தலைவர் ஒருவர் இப்படி எனக்கு வாக்குகள் கிடைத்திருந்தால் நான் முதல்வர் ஆகியிருப்பேன் என ஏக்கப்படும் அளவிற்கு அதிக வாக்குகள் மக்களிடமிருந்து பெற்றார். ஓவியாவிற்காக ஓவியா ஆர்மி கூட உருவானது.

பாதியிலேயே வெளியேறினார்:

நிச்சயம் முதல் சீசனில் ஓவியாதான் வெற்றியாளராக வருவார் என மக்கள் மட்டுமின்றி, சக போட்டியாளர்களும் கருதினர். ஆனால், அவர்களின் எதிர்பார்ப்புகளைப் பொய்யாக்கி பாதியிலேயே வெளியேறி ஏமாற்றம் அளித்தார் ஓவியா. பிக்பாஸ் வீட்டை விட்டு வெளியேறிய பின்னரும் அவருக்கு புதிய படவாய்ப்புகளும், நல்ல பெயரும் தொடர்கிறது.

பயங்கர ஷாக்:

இந்நிலையில், மீண்டும் இரண்டாவது சீசனில் ஓவியாவின் வருகை மற்ற போட்டியாளர்களை அதிர்ச்சி அடையச் செய்துள்ளது. கடந்த சீசனில் ஓவியா நடந்து கொண்டதைப் போல் நடந்து கொண்டு மக்களிடம் நல்ல பெயரை வாங்க வேண்டும் என எண்ணிக் கொண்டு பிக்பாஸ் வீட்டிற்குள் நுழைந்தவர்களுக்கு ரியல் ஓவியாவே போட்டியானது சோர்வடைய வைத்துள்ளது என்றே கூறலாம்.

நடிப்பு:

உண்மையில் இந்த சீசனில் ஓவியா போட்டியாளர் இல்லை. சிறப்பு விருந்தினராகத் தான் உள்ளே சென்றிருக்கிறார். ஆனால், கமல் கேட்டுக் கொண்டதற்கிணங்க அவர் பிக்பாஸ் வீட்டுக்குள்ளே போட்டியாளராக நடித்து வருகிறார் என்பது குறிப்பிடத்தக்கது.