Just In

எங்க அம்மாவைப் பத்தி தப்பா பேசிட்டாரு பாலாஜி.. ஐஸ் அலறல்.. அசிங்கமா போச்சு பாஸு!

பாலாஜி மீது சர்வாதிகாரியான ஐஸ்வர்யா குப்பைகளைக் கொட்டி பழி தீர்த்துக் கொண்டார்.

By Jaya Chitra

Updated: Wednesday, August 1, 2018, 13:41 [IST]

Recommended Video

ஐஸ்வர்யா சென்றாயனிடம் அரை வாங்குவாரா?- வீடியோ

சென்னை: பிக் பாஸ் வீட்டின் சர்வாதிகாரி டாஸ்க்கில் முழு சந்திரமுகியாகவே மாறி செயல்பட்டு வருகிறார் ஐஸ்வர்யா.

பிக் பாஸ் வீட்டில் இந்த வாரம் தலைவியாக ஐஸ்வர்யா உள்ளார். ஏற்கனவே அவருக்கும், பாலாஜிக்கு இடையே திங்கட்கிழமை வாக்குவாதம் நடைபெற்றது. அதனைத் தொடர்ந்து நேற்று மும்தாஜிடம், 'தன் தாயைப் பற்றி தரக்குறைவாகத் திட்டி விட்டதாக' பாலாஜி குறித்து குறை கூறி அழுதார் ஐஸ்.

வீட்டின் தலைவியாக ஹிட்லர் போல் ஐஸ் நடந்து கொள்வதாக பாலாஜி கூறிய வார்த்தையைக் கேட்டதும், பிக் பாஸ் தலைக்குல் பல்பு எரிந்திருக்க வேண்டும் போல. இது நன்றாக இருக்கிறதே என தலைவியை சர்வாதிகாரியாக்கி பிரமோசன் கொடுத்தார்.

சர்வாதிகாரி டாஸ்க்:

சர்வாதிகாரி ஐஸ்சின் ஆலோசகராக சக போட்டியாளர்களால் விஷ பாட்டில் என செல்லமாக அழைக்கப்படும் ஜனனி, பாதுகாவலராக டேனி அமர்த்தப்பட்டனர். ஐஸ்ஸுவிற்கு கார்டன் பகுதியில் சிலை ஒன்றும் வைக்கப்பட்டிருந்தது.

பிக் பாஸின் திட்டம்:

ஏற்கனவே வீட்டின் பல போட்டியாளர்களின் சுயரூபங்கள் தெரிந்து வருவதால், கோபத்தில் இருந்த ஐஸ், தனக்கு கிடைத்த சர்வாதிகாரி வாய்ப்பை சரியாகப் பயன்படுத்திக் கொள்ள திட்டமிட்டார். அவரது எரிகிற புண்ணில் எண்ணெய் விடுவது போல், வீட்டிற்குள் பாலாஜி, ஷாரிக், ரித்விகா உள்ளிட்டோர் ஐஸ் பற்றி பேசும் வீடியோவை லைவ்வாக சர்வாதிகாரிக்குப் போட்டுக் காட்டி சூடேற்றினார் பிக் பாஸ்.

குப்பைகளைக் கொட்டினார்:

இதனால் ஆவேசமடைந்த ஐஸ், ஆலோசகரும், பாதுகாவலரும் எடுத்துச் சொல்லியும் கேட்காமல், பாலாஜி மீது வீட்டில் இருந்த குப்பைகளை கொட்டுமாறு ஷாரிக்கிற்கு உத்தரவிட்டார். ஆனால் அவர் செய்யாமல் போகவே, ஆவேசமாக தானே குப்பை தொட்டியை எடுத்து பாலாஜி மீது கொட்டினார்.

கலங்கிய பாலாஜி:

இதனால் வீட்டில் இருந்த சகபோட்டியாளர்கள் அதிர்ச்சி அடைந்தனர். இதெல்லாம் ரொம்ப ஓவர் என அழுது கொண்டே மும்தாஜ், செண்ட்ராயன், ரித்விகா உள்ளிட்டோர் குப்பைகளை சுத்தம் செய்ய முற்பட்டனர். ஆனால், அவர்களை ஓரம் போகச் சொல்லி விட்டு அதே இடத்தில் அப்படியே கலங்கிய கண்களுடன் அமர்ந்திருந்தார் பாலாஜி.

எதிர்ப்பு:

தான் இந்த டாஸ்க் விளையாட விரும்பவில்லை என ஏற்கனவே பாலாஜி கூறியிருந்தார். ஆனபோதும், தனிப்பட்ட தனது கோபங்களால் அவரைப் பழிவாங்கும் வகையில் குப்பையைக் கொட்டியது டூ மச் என சமூகவலைதளத்தில் ஐஸ்வர்யாவிற்கு எதிரான கருத்துக்களை நெட்டிசன்கள் பதிவிட்டு வருகின்றனர்.