பிகில் டூ பேட்ட வரை.. 5 நாள்.. டெய்லி ஒரு பிளாக்பஸ்டர்.. சன் டிவியின் சூப்பர் பொங்கல்!
சென்னை: அடடா என்னய்யா இது.. மத்த சேனலை பார்க்கிறதா வேண்டாமா என்று மத்த டிவியெல்லாம் புலம்பும் வகையில், சன்டிவியில் பொங்கல் பண்டிகைக்கு சிறப்புப் பட அணிவரிசை மலைக்க வைக்கிறது. டெய்லி ஒரு பிளாக்பஸ்டர் படம் போடப் போறாங்களாம்.
இந்த வருடம் பொங்கலுக்கு நிறைய லீவு. மக்கள் இப்பவே ஏகப்பட்ட பிளான்களை போட்டு வைத்து வருகின்றனர். இந்த நிலையில் டிவி சானல்களும் கூட பொங்கலையொட்டி சிறப்பு நிகழ்ச்சிகளுடன் மக்களை மகிழ்விக்க ரெடியாகி வருகின்றன.
சன் டிவி எப்பவுமே மற்றவர்களை மிஞ்சி நிற்பது வழக்கம். இந்த முறையும் அதற்கு ஒரு குறைவும் இல்லை.
எல்லாமே புதுசு
இந்த வருட பொங்கலுக்கு புத்தம் புதுப் படங்களுடன் சன் டிவி மக்களை அதிர வைக்கப் போகிறது. அதை விட முக்கியமானது என்னவென்றால் அவர்கள் போடப் போகும் புதுப் படங்கள் எல்லாமே ரொம்ப பாப்புலரானவை. சூப்பர் ஸ்டார் நடிகர்கள் நடித்த படங்கள் என்பதுதான்.
தளபதியின் பிகில்
ஜனவரி 15ம் தேதி பிகில் படத்தைப் போடவுள்ளது சன் டிவி. அன்று மாலை 6. 30 மணிக்கு இப்படம் போடப்படுகிறது. பிகில் படம் கடந்த தீபாவளிக்குத்தான் வந்தது. மிகப் பெரிய வெற்றியை பெற்ற பிளாக்பஸ்டர் படம் இது. அதற்குள் சன் டிவி இதை திரையிடுகிறது.
லாட்ஜ் ரூமில் வைத்து.. பாஜகவினரால் தாக்கப்பட்டாரா நெல்லை கண்ணன்.. கைதின்போது நடந்தது என்ன?
அன் கண்டிஷனல் லவ்வு
ஜனவரி 16ம் தேதி மாலை 6.30 மணிக்கு நம்ம வீட்டுப் பிள்ளை படம் போடப்படுகிறது. சிவகார்த்திகேயன் நடித்த பிளாக்பஸ்டர் படம் இது. மிகப் பெரிய வெற்றியைக் கொடுத்த ஹிட் படம் இப்படம்.லவ்வு லவ்வு அன்கண்டிஷனல் லவ்வு என்று குழந்தைகளையும் பேச வைத்த படம் இது.
சங்கத் தமிழன்
17ம் தேதி விஜய் சேதுபதி நடித்த சங்கத் தமிழன். இந்தப் படம் பெரிய அளவில் ஓடவில்லை இருப்பினும் பாடல்கள் ஹிட் ஆகின. இப்படத்தையும் சன் டிவி ரசிகர்களுக்கு விருந்தாகுகிறது.
தல விஸ்வாசம்
18ம் தேதி அஜீத் நயன்தாரா நடித்த மெகா ஹிட் படமான விஸ்வாசம் போடப்படுகிறது. இதுவும் அதே மாலை 6. 30 மணிக்குத்தான். அதேபோல 19ம் தேதி ரஜினிகாந்த் நடித்த பேட்ட படம் திரையிடப்படுகிறது. இந்த இரு படங்களும் கடந்த ஆண்டு பொங்கலுக்கு திரைக்கு வந்த படங்கள் என்பது நினைவிருக்கலாம்.
பொங்கலுக்கு வரிசையாக 4 புதிய திரைப்படங்கள் என்று இப்போதே ப்ரோமோ போட்டு தாக்கி வருகிறது சன் டிவி. அது மட்டுமல்ல மக்களே.. பொங்கல் பண்டிகை நாட்களில் தினசரி 3 படங்கள் போடப் போகிறார்களாம்.. சன்னுக்கு எப்பவுமே தில்லு ஜாஸ்திதான்!