தோற்றம் முக்கியமில்லை... நான் மீனவன்டா!
சென்னை: எனக்கு நான் மீனவன்னு சொல்லிக்கறதில் பெருமைதான். ஆனால், டான்ஸ் எனக்கு ரொம்ப பிடிக்கும்..அதில் சாதிக்க போறேன்னு சொல்றார் மீனவர் வினு
ஜீ தமிழ் டிவியின் டான்ஸ் ஜோடி டான்ஸ் ரியாலிட்டி ஷோவின் அடுத்த சீசன் தொடங்க உள்ளது.அதில் பங்கேற்பாளர்கள் தேர்வாகி வருகின்றனர்.
ஜீ தமிழ் டிவி எப்போதுமே வித்தியாசமான முறையில் என்றுதான் இந்த போட்டிக்கான ஆட்களைத் தேர்வு செய்யும். அதன்படி இப்போது மீனவர் வினு என்கிற இளைஞர் தேர்வாகி உள்ளார்.
டான்ஸ் ஜோடி டான்ஸ்
ஜீ தமிழ் டிவியின் டான்ஸ் ஜோடி டான்ஸ் ரியாலிட்டி ஷோவின் நடுவர்களாக நடிகை சிநேகா, சுதாசந்திரன் எந்த சீசனிலும் மிஸ்ஸானதில்லை. மூன்றாவது நடுவராக தேவயானி, கவுதமி, சீரியல் நடிகை ரக்ஷிதா என்று வந்து போனார்கள்.இந்த முறை யார் யார் என்று இன்னும் முழுதாக அறிவிக்கவில்லை.
மொழி மாநிலம்
இந்த நிகழ்ச்சியில் பங்கேற்பவர்கள் வேறு மொழி பேசுபவர்கள், வேறு மாநிலத்துகாரர்கள் என்று கூட வந்து அசத்தினார்கள். இந்த முறை போட்டியாளர் என்று ஒட்டு மொத்தமாக அவர்களை அறிவிக்காமல், ஒவ்வொருத்தராக அறிமுகப்படுத்தி வருகிறார்கள்.
மீனவர் கன்னியாகுமரி
கன்னியாகுமரி மீனவரான வினு இந்த முறை டான்ஸ் ஜோடி டான்ஸ் போட்டியாளராக கலந்துக்கொள்ள உள்ளார். இவரது முடி அழகு பலரையும் நின்று பார்த்து கவனித்து செல்லும் விதத்தில் வித்தியாசமாக இருக்கிறது. எத்தனையோ ஆடிஷன்ஸ் கலந்துகொண்டு இருந்தாலும் ,ஆள் அழகா இல்லைன்னு ரிஜக்ட் ஆனதாக சொல்கிறார்.
மீனவன் துடிப்பு
என்னை மீனவன்னு சொல்லிக்கறதில் எனக்கு பெருமைதான். ரொம்ப ஜாலியா மீன் பிடிப்போம். ஆனால், டான்ஸ் எனக்கு ரொம்ப பிடிக்கும். அதில் சாதிக்க துடிக்கும் மீனவனாக இருக்கிறேன். சாதிக்க அழகு தேவையில்லை.. திறமை இருந்தால் போதும்ன்னு நான் நிரூபிப்பேன்னு சொல்கிறாரா வினு.
மீனவராக நம்ம வாத்தியார் எம்ஜிஆர் நடிச்சு மக்கள் மனதில் இடம் பிடிச்சு இருக்கார்.இந்த வினு இடம் பிடிக்க மாட்டாரா என்ன?