Eeramana Rojave Serial: இதுதான்.. இப்படித்தான் ஹனிமூன் இருக்கணும்...!
சென்னை: தொலைக்காட்சி சீரியல்களில் புது தம்பதி ஹனிமூன் போவாங்க. அங்கே ஒரு டிவிஸ்ட் வச்சு, நம்மை பயமுறுத்தி வேடிக்கை பார்ப்பாங்க.
ஏற்கனவே இங்கே புதுமணத் தம்பதிகள் தனியா ஹனிமூன் போறதுன்னா பயப்படறாங்க.இதில் சீரியலையும் இப்படி கொண்டு போனால் நிம்மதியா எப்படி ஹனிமூன் போக முடியும்?
ஆனால், விஜய் டிவியின் ஈரமான ரோஜாவே சீரியலில் அக்கா தங்கை அண்ணன் தம்பியை கல்யாணம் செய்துகிட்டு ஏற்காடு ஜாலி ட்ரிப் போயிருக்காங்க.
நோ ஹனி மூன்
அண்ணன் அக்காவையும், தம்பி தங்கையையும் என்று இரு கல்யாணமும் சந்தர்ப்ப சூழ்நிலையால் நடந்தது என்பதால், இன்னும் கூட இரு தம்பதியரும் ஒன்று சேரவில்லை.. ஒருவரை ஒருவர் புரிந்துக் கொள்வதற்குள் சீர் வரிசை பிரச்சனை வந்து மாமியார் பிறந்த வீட்டுக்கு அனுப்பி வச்சுடறாங்க.
Katrin Mozhi Serial: ஆம்பளை பிள்ளையை அடிச்சுதான் வளர்க்கணுமோ?
வெற்றியும் மலரும்
மலரும் வெற்றியும் ஒருவரை ஒருவர் காதலிக்க ஆரம்பிச்சு இருந்த வேளையில் ஏற்காடு டூர் டிரிப் அமைகிறது. இருவர் மட்டும் எப்படி தனியா போறதுன்னு புகழையும், அகிலாவையும் கூடவே கூட்டிச் செல்கிறார்கள். இரு தம்பதியும் ஒருவரை ஒருவர் புரிந்துக்கொள்ள ஒரு நல்ல வாய்ப்பாக இந்த டிரிப் அமைகிறது.
ஜோடிப் பொருத்தம்
போன இடத்தில் ரிசார்ட் ஒன்றில் தங்க, அந்த ரிசார்ட்டில் ஜோடிப் பொருத்தம் என்று பல போட்டிகள் வைத்து தம்பதியை குஷிப் படுத்துகிறார்கள். விலகி இருந்த மலரும் வெற்றியும் நெருங்கும் வாய்ப்பாக இது அமைகிறது. எலியும் பூனையுமாக இருந்த அகிலாவும் புகழும் கூட ஒருவரை ஒருவர் புரிஞ்சுக்க நல்ல சந்தர்ப்பமா இது இருக்கு.
இருக்கிறது பிரச்சனை
இந்த சீரியலிலும் பிரச்சனை, மாமியார் வரதட்சணை சீர் செனத்தி செய்யவிலை என்று கொடுமைதான் படுத்தறாங்க. ஆனாலும், அவர்களுக்குத் தெரியாமல் இரு ஜோடிகளும் ஒன்று சேர்ந்து ஜாலி டிரிப் போகிறார்கள், வந்தவுடன், இல்லை வருவதற்குள் பிரச்சனை துவங்கும் என்றாலும், திக் திக் காட்சிகள் இந்த சீரியலில்.இல்லை.