Films: சன்னுக்கு எந்திரன் கை கொடுத்தா.. ஜீ டிவியில் 2ஓ பிச்சு உதறுதே.. இதுக்கு என்டே கிடையாதா!
சென்னை: ஞாயிறு படங்கள் என்று தொலைக்காட்சிகள் போட்டி போட்டுக்கொண்டு படங்களை ஒளிபரப்பி வருகின்றன. வாரம் முழுக்க திரைப்படங்களை ஒளிபரப்பும் இந்த ரேஸ் தொடர்ந்தாலும்... ஞாயிற்று கிழமை முட்டி மோதும் அளவுக்கு வந்து நிற்கிறது.
நேற்று ஞாயிற்று கிழமை சன் டிவியில் மதியம் எந்திரன் படத்தை ஒளிபரப்பினார்கள். இது முடியும் வேளையில் சரியாக ஜீ தமிழ் டிவியில் மாலை எந்திரன் 2.ஓ படத்தை ஒளிபரப்பினார்கள்.
மாலை சன் டிவியில் ஹரி இயக்கிய சிங்கம் 2 ஒளிபரப்பாக, விஜய் டிவியில் அதே இயக்குநரின் சாமி 2 படம் ஒளிபரப்பானது. உங்க போட்டிக்கு நாங்கதானா மாட்டினோம் என்று மக்கள் அழாத குறைதான்.
கோவிட் 19 லாக்டவுன்
கோவிட் 19 தொற்று காரணமாக லாக்டவுன் அமலில் இருக்கும் இந்த நேரத்தில் வாரத்தின் எல்லா நாட்களும் மாதிரிதான் ஞாயிற்று கிழமையும் ஒரு நாள் என்று கடந்து போகிறது.இந்த லாக்டவுனில் தொலைக்காட்சியே கதி உட்கார்ந்து கிடப்பவர்கள் அதிகம்.
டம்மி பீஸ்
எந்த தொலைக்காட்சியைத் திருப்பினாலும் வெறும் படங்கள்தான். புது படம், பழைய படங்கள் என்று மீண்டும் மீண்டும் படங்களை ஒளிபரப்பு செய்து வருகின்றன தொலைக்காட்சிகள். இன்றைய காலக்கட்டங்களில் படங்கள் இல்லாவிட்டால் தொலைக்காட்சிகள் டம்மி பீஸ்தான் போல...
நிகழ்ச்சிகள் சீரியல்கள்
எப்போதோ ஒளிப்பதிவு செய்த நிகழ்ச்சிகளை மறு ஒளிபரப்பு செய்வது.. ஒளிபரப்பான சீரியல்களை ஆரம்பத்தில் இருந்து ஒளிபரப்பு செய்வது...ஹிட்டான பழைய சீரியல்களை மறு ஒளிபரப்பு செய்வது என்று தொலைக்காட்சிகள் செய்து வந்தாலும். மறுபடியும் முதல்லேர்ந்தா என்று மலைக்கும் மக்களால் அவைகளை பார்க்க முடியவில்லை.
எப்போதும் திரைப்படங்கள்
எப்போதும் திரைப்படங்கள் ஒளிபரப்பினால் மக்கள் சலிக்காது பார்க்கிறார்கள் என்கிற எண்ணம் தொலைக்காட்சிகளுக்கு. எனவே, தொலைக்காட்சிகள் போட்டி போட்டுக்கொண்டு அடுத்த டிவி என்ன படம் ஒளிபரப்ப ப்ரோமோ போட்டு வருகிறது என்று அவதானித்து பார்த்து, அதற்கு ரிலேட்டடாக படங்களை போட்டி போட்டு ஒளிபரப்பி வருகின்றன.