Magarasi Serial: மகராசி ஹரித்வாரில் பிறந்து வளர்ந்த தமிழ்ப் பெண்ணாமே!
சென்னை: மேற்கு வங்காளம் கொல்கத்தா, ஹரித்வார் என்று வட மாநிலங்களின் முக்கிய நகரங்களுக்கும் சென்று தொலைக் காட்சி சீரியல் தயாரிப்பாளர்கள் சீரியல் எடுக்க ஆரம்பித்து இருக்கிறார்கள்.
குஷ்பூ கொல்கத்தா சென்று லட்சுமி ஸ்டோர்ஸ் சீரியலின் சில எபிசோடுகளை கொல்கத்தாவில் படமாக்கி வந்தார்.
இப்போது சன் டிவியில் ஒளிபரப்பாக இருக்கும் புது சீரியல் மகராசி ஹரித்வாரில் பிறந்து வளர்ந்த தமிழ் பெண்ணாம்.
ஹரித்வார் படப்பிடிப்பு
மகராசி சீரியலின் ஹீரோயினை ஹரித்வாரில் பிறந்த தமிழ்ப் பெண்ணாக காண்பித்து இருக்கிறார்கள். ப்ரோமோவில் ஹரித்துவார் படப்பிடிப்பு காட்சிகளை காண்பித்து இருப்பதும் நன்றாக இருக்கிறது. அங்குள்ள நதியின் பிரமாண்ட சிவன் சிலை, கரையோர விளக்குகள் என்று காட்சிகளை படம் பிடித்து அசத்தி இருக்கிறார்கள்.
Aranmanai Kili Serial: வெள்ளி கொலுசு மணி...ஜானுவுக்கு கொடுப்பினை இல்லையா?
மதிய நேர சீரியல்
சன் டிவியில் மதியம் 2:30 மணி நேரம் என்பது மதிய நேரத்தின் புது சீரியலுக்கு முதலில் ஒதுக்கப்படும் நேரம். பின்னர் அது 3 மணிக்கு ஒளிபரப்பாகப் படும்.பின்னர் இரவு நேரத்துக்கு கூட மாற்றப்படலாம். மதியம் 2:30 மணி நேரம் என்பது சன் டிவிக்கு முக்கியமான நேரம். இரவு 9 மணி நேரம் போல.
சிறிது நாட்கள்
சிறிது நாட்கள் மட்டுமே ஹரித்வாரில் படம் பிடிக்கப்பட்டு இருக்குமோ என்கிற அளவுக்குத்தான் இந்த சீரியலின் ப்ரோமோ இருக்கிறது. அதுவே கண்களுக்கு குளிர்ச்சியாக இருக்கிறது. அதை அதிகமாக காண்பிக்க வேண்டும் என்கிற எதிர்பார்ப்பும் இருக்கிறது.
தமிழுக்கு புதுசு
இதில் ஹீரோயினாக நடித்து இருப்பவர் தமிழுக்கு புதுமுகம் என்றாலும், நடன இயக்குனர் ராம்ஜி ரொம்ப நாட்களுக்குப் பிறகு சின்னத்திரையின் இந்த சீரியலின் மூலம் என்ட்ரி கொடுக்கிறார். எல்லா சீரியல்களுக்கு வரவேற்பு கொடுக்கும் மக்கள் இதுக்கு மட்டும் ஆதரவு தராமல் இருப்பார்களா என்ன?