விளையாட்டுக்கு கூட ஆக்ஷன் சொல்லணுமாமே...!

சென்னை: சின்ன பசங்களை போங்காட்டம் காண்பிச்சு விளையாடி பொழுதை கழிச்சுகிட்டு இருக்கார் விஜே மணிமேகலை. லாக்டவுன் நேரத்தில் ரைட்டா தப்பா விளையாட்டை சமூக இடைவெளி விட்டு விளையாடி வீடியோ போட்டு இருக்கார் மணிமேகலை.இந்த விளையாட்டை விளையாட ஆக்ஷன் சொல்லணுமாம்...

மணிமகேலை விஜய் டிவியின் நிகழ்ச்சிகளை தொகுத்து வழங்கி வருகிறார். விஜய் டிவியின் குக்கு வித் கோமாளி நிகழ்ச்சியில் கோமாளிகளில் ஒருவராக மணிமேகலை பங்கு பெற்றபோதுதான் சுத்தமாக சமையல் தெரியாதவர் மணிமேகலை என்பது தெரிந்தது.

அதோடு, ஒரு காமெடி பீஸாக அந்த நிகழ்ச்சியின் மூலம் கண்டறியப்பட்ட மணிமேகலை, அடுத்தடுத்து செய்த வேலைகள் எல்லாமே காமெடியில்தான் முடிந்தது. சமைக்கிறேன் என்று குக்கர் சாதத்தை வீடெங்கும் பரவ விட்டார்.. இப்படி பல...!

சன் மியூசிக்

சன் மியூசிக் சானலில் நிகழ்ச்சித் தொகுப்பாளராக அறிமுகம் ஆன மணிமேகலை, சன் டிவியிலும் நிகழ்ச்சிகளை அவ்வப்போது தொகுத்து வழங்கி வந்தார். பிரபலங்களை நேருக்கு நேர் என்று இவர் பேட்டி கண்ட விதம் கூட மிக அருமையாக... கேலி கிண்டலுக்கு ஆகாமல் நன்றாகவே இருந்தது.

உசேன் மணிமேகலை

டான்ஸ் மாஸ்டர் உசேனை காதலித்த மணிமேகலை, உசேனிடம் தான்தான் முதலில் காதலை வெளிப் படுத்தியதாக கூறி இருக்கிறார். மணிமேகலை தனது பெற்றோர் சம்மதம் இல்லாமலே உசேனை திருமணமும் செய்துக்கொண்டார். என்ன காரணத்தினாலோ சன் டிவியை விட்டு விலகிய மணிமேகலை விஜய் டிவியின் நிகழ்ச்சித் தொகுப்பாளராக ஆனார்.

பெற்றோர் ஏக்கம்

பெற்றோர் தனது கல்யாணத்தை இன்னும் அங்கீகரிக்கவில்லை, தங்களை ஏற்றுக்கொள்ளவில்லை என்று மனக் கவலையில் இருந்தாலும் மணிமேகலை அதை வெளிக்காட்டிக் கொள்ளாமல் இருந்து வருகிறார். விஜய் டிவியில் நிகழ்ச்சித் தொகுப்பாளராக ஆன பின்னர்தான் மணிமேகலை ஜோக்கர் மாதிரி வலம் வந்துக்கொண்டு இருக்கிறார்.

ரைட்டா தப்பா

லாக்டவுன் அமலில் இருக்கும் இந்த நேரத்தில் மணிமேகலை தனது இன்ஸ்டாவில் வீடியோ ஒன்றை பதிவிட்டு உள்ளார். அதில், கட்டம் கட்டி விளையாடும் ரைட்டா தப்பா விளையாட்டை சிறுவர்கள் இருவருடன் சமூக இடைவெளிவிட்டு விளையாடி இருக்கார்.ரைட்டா ரைட்டா என்று கேட்டு தப்பு தப்பாக விளையாடிய மணிமேகலை இதுக்கு கூட ஆக்ஷன் சொல்ல கேட்டு இருப்பது...என்னத்த சொல்ல...!

English summary

vj manimegalai has spent a lot of time playing with little girls. this is a video of a man playing a game of right or twrong at lockdown manimagalai.