ச்சீ.. போய்யா நீ ரொம்ப மோசம்... தினம் தினம் பார்ப்பேன்!
சென்னை: சன் டிவியின் லொள்ளுப்பா நிகழ்ச்சிக்கு நடிகை மீனா சிறப்பு நடுவராக இருந்து, இந்த நகைச்சுவை நிகழ்ச்சியை ரசித்து சிரித்தார்.
நடிகை மீனா, குழந்தை நட்சத்திரமாக அறிமுகமானவர். பிறகு வளர்ந்து மிகச் சிறிய வயதிலேயே தமிழ், தெலுங்கு படங்களில் பெரிய நடிகர்களுக்கு ஜோடியாக நடித்தார்.
தமிழில் ராஜ்கிரண், ரஜினிகாந்த், விஜயகாந்த், அர்ஜுன், சரத்குமார், பாக்யராஜ், சத்யராஜ், கமல்ஹாசன்னு எல்லாருமே வயதில் ரொம்ப மூத்த நடிகர்களுடன் ஜோடி சேர்ந்து நடித்தார்.
நடிகர்கள் முரளி, கார்த்திக் போன்ற ஒரு சில நடிகர்கள் மட்டுமே இவருடன் நடித்த இளம் நடிகர்கள்... இவருக்கு சரியான இணையான ஜோடி சேர்ந்தவர்ன்னா அது தல அஜீத்.
தளபதி விஜய்க்கு ரொம்ப பிடிச்ச நடிகை மீனா. இவருடன் ஜோடி சேர்ந்து நடிக்க ஆசைப்பட்டாலும், இயக்குநர்கள் ஒத்துவரலைன்னுதான் அப்போ பேச்சு. ரொம்ப இளம் வயதிலேயே நடிக்க வந்த மீனா, அதே போல மிக இளம் வயதிலேயே ஓரம்கட்டப்பட்டும் விட்டார்.
பிறகு கல்யாணம், குடும்பம்னு செட்டிலான அவர், இப்போது தனது பெண் நைனிகாவை குழந்தை நட்சத்திரமாக அறிமுகப்படுத்தி இருக்கார்.
ஒரே நேரத்தில் தெலுங்கிலும், தமிழிலும் கொடி கட்டிப் பறந்த நடிகை மீனா. எஜமான் படம் அவரை உச்சத்துக்கு கொண்டு உட்கார வச்சுது. பிறகு வரிசையாக ரஜினியுடன் நடித்த முத்து, வீரான்னு அத்தனையும் சூப்பர் ஹிட்.. ஜப்பானில் இவருக்கும் ரசிகர்கள் உருவான கதை இப்படித்தான்.
மீனா ஆடும் டான்ஸ்..அது எந்தவகை டான்ஸாக இருந்தாலும், அதில் நளினம் இருக்கும். முகபாவனையில் அசத்திருவார் மீனா. விரல்களின் அசைவு நளினம் கூட நடனத்தில் தெரியும்.
உனக்காக அதை விட்டேன்.. இதை விட்டேன்.. அந்தக் கதையெல்லாம் இங்க வேணாம் மகனே!
மீனா நிகழ்ச்சியில் பேசும்போது, டான்ஸ் எனக்கு ரொம்ப பிடிக்கும்.. எனக்கு பிரபுதேவா டான்ஸ் மாஸ்டார்னா பயம் வந்துரும். அவர் சொல்றதைத்தான் நாம் ஆடணும். ராஜு மாஸ்டர் அப்படி இல்லை, நமக்கு எது நல்லா வருமோ.. அதை ஆட வச்சு எடுத்துக்குவார்.
பிரபு தேவா மாஸ்டர்கிட்டயே நான் சொல்லி இருக்கேன்.. மாஸ்டர் எனக்கு உங்களை பிடிக்கலை.. உங்க அண்ணன் ராஜு மாஸ்டரைத்தான் பிடிச்சுருக்குன்னு.. ஆனா, பிரபு தேவா மாஸ்டர் என்னை ஆடவச்சதை ஸ்கிரீன்ல பார்க்கும்போதுதான் அவர் நமக்காக எவ்வளவு மெனக்கெட்டு இருக்கார்னு புரியும்னு சொல்லிட்டு அழகாக சிரித்தார் மீனா.
முன்பு ஒருமுறை மீனா பேசும்போது, வெளிநாட்டிலிருந்து வந்த ரசிகர் ஒருவர், இரணியன் படத்தில் முரளியுடன் மீனா ஆடிய சீ போய்யா நீ ரொம்ப மோசம்.. நீ தொட்டா உடம்பு கூசும் அந்த பாட்டு ரொம்ப பிடிக்கும். தினம் காலையில எழுந்து அதை ஒரு தடவை பார்த்துருவேன்னு சொன்னாராம்.. அதை நினைவு கூர்ந்திருந்தார் மீனா