OTT App: இனிமே இப்படித்தான்... அமேசான் பிரைம் வீடியோவில் பொன்மகள் வந்தாள்!
சென்னை: மக்களே இனி இப்படித்தான் என்பது போல முதலில் விவேக் நடிப்பில் வெளியான தாராள பிரபு படம் அமேசான் பிரைம் வீடியோவில் வெளியானது.இப்போது ஜோதிகா நடிப்பில் உருவாகியுள்ள 'பொன்மகள் வந்தாள்' திரைப்படம் நேரடியாக அமேசானில் வெளியாகவுள்ளது.
கோவிட் தொற்று லாக்டவுன் யாருக்கு நன்மையோ யாருக்கு கெடுதலோ...ஆனால், ஓடிடி தளங்களுக்கு லக்கி பிரைஸ்தாங்க....லாக்டவுன் நேரத்தில் படங்களை நேரடியாக இவர்களுக்கு விற்பனை செய்து விடுகிறார்கள்.
விவேக் நடிப்பில் வெளிவந்த தாராள பிரபு படம் ஒரு வாரம் தியேட்டரில் வெளியாகி ஓடிய நிலையில், லாக்டவுன் அமலுக்கு வந்தது. தயாரிப்பாளர் இந்த படத்தை அமேசான் பிரைம் வீடியோவுக்கு விலை பேசி கொடுத்து விட்டார். அமேசான் பிரைம் வீடியோவில் இந்த திரைப்படத்தை பலரும் பார்த்தனர்.
இப்போதுமா தொலைக்காட்சிகளில் நேரலை நிகழ்ச்சிகள்?
கமல்...இனிமேல் இப்படித்தான்
கடந்த சில வருடங்களுக்கு முன்னர் கமல்ஹாசன் தயாரித்து இயக்கி நடித்த விஸ்வரூபம் படத்தை டிஷ் டிவி சானல்களுக்கு விலை உரிமம் பேசினார். அப்போது திரையரங்கு உரிமையாளர்கள் கமல் மீது செம கோபத்தில் இருந்தார்கள். கமலின் விஸ்வரூபம் படத்தை திரையிட மாட்டோம் என்று கூட சொன்னார்கள். கமல் அப்போது இனிமேல் இப்படித்தான் என்று சொன்னதை திரையரங்கு உரிமையாளர்கள் ஏற்கவில்லை.
அப்படித்தான் ஆனது
கமல் அப்போதே இனிமேல் இப்படித்தான் என்று சொன்னது போல அப்படித்தான் ஆனது இன்றைய சினிமாக்களின் நிலை. படங்களை எடுத்து ரிலீசுக்கு காத்திருந்த தயாரிப்பாளர்கள், அதை அப்படியே வைத்து இருந்தால் எதற்கும் பிரயோஜனப்படாது என்று ஓடிடி இயங்கு தளங்களுக்கு படங்களை விலை பேசத் துவங்கி உள்ளனர்.
பொன்மகள் வந்தாள்
பொன்மகள் வந்தாள் திரைப்படம், திரையில் வெளியிடுவதற்கு தயாராக இருந்த நிலையில் கோவிட் தொற்று காரணமாக லாக்டவுன் அமலுக்கு வந்தது. திரையரங்குகள் செயல்படவில்லை...லாக்டவுன் முடிந்தாலும் திரை அரங்குகள் விரைவில் செயல்படுமா என்கிற கேள்விக்குறி எழுந்துள்ளது.
நஷ்டத்தை சரிக்கட்ட
எனவே, நஷ்டத்தை சரி செய்ய பொன்மகள் வந்தாள் தயாரிப்பு தரப்பு, படத்தை அமேசான் பிரைம் வீடியோவுக்கு விலை பேசி உள்ளதாகத் தகவல்கள் வெளியாகி உள்ளன. நஷ்டம் வராதபடி படம் விலை போயிருப்பதால், இந்த படத்தை எப்போதும் திரையில் பார்க்க முடியாது. ஒன்லி அமேசான் பிரேம் வீடியோவில் கண்டு களிக்கலாம்.
மக்களே இனிமேல் இப்படித்தான்...!