Lockdown: ஏன்டாப்பா.. சீரியல்களை தூக்கி தூரப் போடாம இப்படி இழுத்துட்டே போனா எப்படி!
சென்னை: லாக் டவுன் அமலில் உள்ள இந்த நேரத்தில் இன்னும் சீரியல்கள் ஒளிபரப்பாகி வருகின்றன. இதில் ஆச்சரியமான விஷயம் என்னவென்றால், இழுவைக்கு வச்சு இருந்த காட்சிகளை இப்போது எபிசோடாக்கி ஒளிபரப்பு செய்து வருகிறார்கள்.
மைண்ட் வாய்ஸ் பேசுவது...ஃபிளாஸ் பேக் காட்சிகளை தேவை இல்லாமல் செருகுவது என்று இன்றுவரை சீரியல்கள் தொலைக்காட்சிகளில் ஒளிபரப்பாகித்தான் வருகின்றன.
ஃபிளாஷ் பேக்கில் டூயட் பாடி இருந்தால் கூட அதையும் இப்போது நினைத்து பார்ப்பது போன்ற காட்சிகள் என்று சீரியல்கள் இழுவை.. அரைத்த மாவின் அரைவை...
சித்தி 2 சீரியல்
ராதிகா சரத்குமாரின் சித்தி 2 சீரியல் எப்போதும் அண்மைய காலத்தில் சூட் செய்ததாகத்தான் இருக்கும். அதனால் ஆர்ட்டிஸ்ட் இல்லாமல் ராதிகா, பொன்வண்ணன்... இருவர் நடித்த காட்சிகள் மட்டுமே வீட்டில் இருந்தது. சப்போர்ட் ஆர்ட்டிஸ்ட் என்று கூட யாரும் இல்லை. வீட்டில் யாருமே இல்லாதது போல வெறுமையாக இருந்தது எபிசோட்.
ரோஜா சீரியல்
சன் டிவியின் ரோஜா சீரியலில் ஃபிளாஷ் பேக் காட்சிகள் .. ரொமான்ஸ் காட்சிகளை நினைத்து பார்ப்பது.. டைட்டில் சாங் முழுவதுமாக ஒளிபரப்புவது என்று ஒப்பேற்றினார்கள். இதில் நாளை... என்று கொஞ்சம் நொடிகளை எடுத்துக்கொண்டு நாளை ஒளிபரப்பாக இருக்கும் சில காட்சிகளை ஒளிபரப்புகிறார்கள்.
எப்போதும் போல
சன் டிவியின் கல்யாண வீடு சீரியல் மட்டும் எப்போதும் போல முழு எபிசோடாக ஒளிபரப்பாகி வருகிறது. கல்யாண வீடு சீரியல் திருவையாறு, காரைக்குடி போன்ற ஊர் பகுதிகளில் ஷூட்டிங் என்பதால் தாமதமாக லாக் டவுன் வேலை செய்து இருக்கிறது போலும். இல்லை எப்போதும் போல முன்னேற்பாடாக திருமுருகன் ஷூட் செய்து வைத்து இருக்கலாம்.
விஜய் டிவி சீரியல்கள்
விஜய் டிவி சீரியல்கள் கூட எப்போதும் போல வழக்கமான தங்களது ஸ்லோ மோஷன் எபிசோடுகள் இழுவை மாதிரிதான் இன்னும் சீரியல்களை கொடுத்து வருகின்றன. இவர்களின் சீரியல்களின் இருப்புக் காட்சிகளுக்கு இன்னும் பற்றாக்குறை வரவில்லை போலும்.
எடிட் கட்
சில சீரியல்களில் எடிட் செய்து கட் செய்து வைத்திருந்த ஷாட்களை இப்போது தேவையான இடங்களில் சீரியலின் இழுவைக்கு என்று இருந்த நிலை மாறி சீரியலின் எபிசோட் தேவைக்கு ஏற்ப எடுத்து அங்கங்கே செருகி எபிசோடை ஒளிபரப்பி வருகிறார்கள். இப்படியாக ஒப்பேற்றி சீரியலை ஒளிபரப்பி வருகிறது தொலைக்காட்சி சானல்கள்.