60ஸ் படம் 80ஸ் படம் டப்பிங் சீரியல்ஸ்... கல்லாக்கட்டும் ராஜ் டிவி!
சென்னை: சன் டிவிக்கு அடுத்த படியாக ஆரம்பித்தது ராஜ் தொலைக்காட்சிதான். ஆரம்பித்த புதிதில் சன் தொலைக்காட்சிக்கு போட்டி அப்படி இப்படி என்று ஒரே களேபரமாக கிடந்தது.
நிகழ்ச்சிகளும் ஏகத்துக்கும் புதிதாக களம் இறக்கப்பட்டன. நிறைய பேருக்கு வேலை வாய்ப்புக்கள் கிடைத்தன.
எல்லாம் ஆரம்பித்த வேகத்தில் புஸ் என்று ஆகிப்போனதுதான் ஏனென்று தெரியவில்லை.இப்போது பெரிய அளாவியலான கேபிள் நிறுவனம் போல ராஜ் டிவி செயல்பட்டுக் கொண்டு இருக்கிறது.
ராஜ் நியூஸ் ராஜ் மியூசிக்
ராஜ் டிவி, ராஜ் டிஜிட்டல் பிளஸ், ராஜ் நியூஸ் ராஜ் மியூசிக் உள்ளிட்ட சானல்களை நடத்தி வரும் ராஜ் டிவி விளம்பரங்களை அள்ளுவதில் அனைத்து சானல்களை விட முதன்மையில் உள்ளது. விளம்பரங்களுக்கு கறார் ரேட் ஃபிக்ஸ் பண்ணுவதில்லை ராஜ் டிவி.
ராஜ் தொலைக்காட்சி
ராஜ் தொலைக்காட்சியின் அனைத்து சானல்களில் ஒரு நிகழ்ச்சியை நிம்மதியாக பார்த்து விட முடியாத படி விளம்பரங்கள் நம்மை சுழற்றி அடித்து விடும். விளம்பரங்களுக்கு நடுவில் நிகழ்ச்சியை நாம் பார்க்க வேண்டும். அப்படி விளம்பரதாரர்களை கட்டிப்போட்டு வைத்து இருக்கிறது ராஜ் தொலைக்காட்சி நிறுனம்.
வீடியோ விஷன் நிறுவனம்
ஆரம்பத்தில் ராஜ் தொலைக்காட்சி நிறுவனம் வீடியோ விஷன் நிறுவனம் வைத்து நடத்தி வந்ததால் அவர்களிடம் நிறைய படங்களின் உரிமை இருந்தது. அதனால் இன்றுவரை நிறைய 60 களின் பட உரிமை 80 களின் பட உரிமைகளை கைவசம் வைத்து இருக்கிறார்கள்.
சீரியல்கள் உரிமை
அந்த பட உரிமைகளை வைத்தும், நிறைய இந்தி தெலுங்கு டப்பிங் சீரியல்களின் உரிமைகளை வாங்கியும் தொலைக்காட்சியை திறம்பட நடத்தி கொஞ்சமும் நஷ்டத்தை சந்திக்காமல் வருகிறது ராஜ் தொலைக்காட்சி நிறுவனம். யாருக்கும் தாங்கள் போட்டியில்லை, எங்கள் வழி தனி வழி என்று பயணிக்கிறார்கள் இவர்கள்.