Rajaa Magal Serial: ராஜா மகள்.. ரோஜா மலர்...நான் ராஜா மகள்..!
சென்னை: ராஜா மகள்..ரோஜா மலர்..நான் ராஜா மகள்..புது ரோஜா மலர் எனதாசை நிறைவேறுமா? இது பழைய பாடல்.
ராஜா மகள்...ரோஜா மலர்...வானில் வரும் வெண்ணிலா..தேகம் இந்த பெண்ணிலா இது 80 களில் வெளியான பாடல்.
மோகன், ராதிகா, பேபி ஷாலினி நடித்த பிள்ளை நிலா படத்தின் பாடல். ஆனால், இப்போது ஜீ தமிழ் டிவியில் ராஜா மகள் என்று ஒரு புது சீரியல் ஒளிபரப்பாகி வருகிறது.
தலைப்புக்கு பஞ்சமில்லை
இப்போதெல்லாம் தொலைக்காட்சி சீரியல்களுக்கு பெயர்கள் வைப்பதில் ரொம்ப மெனக்கெட தேவையில்லை. மக்களிடம் ஏற்கனவே அறிமுகமாகி இருக்கும் பாடலின் வரி அல்லது படத்தின் பெயர் என்று வைத்துவிட்டால் மக்களை சென்று அடைந்துவிடும்.
sundari neeyum sundran naanum serial: ப்ப்பா...! இதுக்கு கூட இப்படி சொல்லலாமா?
அனைத்து சானல்களில்
அப்படித்தான் சீரியல்களுக்கு அனைத்து தொலைக் காட்சிகளும் பெயர் வைத்து மக்களிடம் தங்களின் சீரியல்களை பரிச்சயமாக்கி விடுகின்றன. இப்படி புதிதாக ஜீ தமிழ் டிவி ஆரம்பித்து இருக்கும் ராஜா மகள் சீரியலை பல்வேறு வகையில் ப்ரோமோட் செய்து வருகிறது ஜீ தமிழ் டிவி.
நாயகன் கதைக்கு
கதையின் நாயகன் விஷ்வா தன்னை அறிமுகப்படுத்திக் கொள்கிறார். என் அம்மான்னா எனக்கு ரொம்ப பிடிக்கும். அவங்களுக்கு என்ன பிடிக்குமோ அது எனக்கும் பிடிக்கும்.அவங்களுக்கு யார் எதிரியோ அவங்க எனக்கும் எதிரி என்று கூறி அறிமுகப்படுத்தப்படுகிறார்.
நாயகி கதைக்கு
நாயகி துளசி தன்னை அறிமுகப்படுத்திக்கொள்கையில், பிரிஞ்சு போன குடும்பம் ஒண்ணா சேரணுங்குறது என் அம்மாவோட கனவு லட்சியம்.அந்த லட்சியத்தை நிறைவேத்த நான் என்ன கஷ்டம் வேணும்னாலும் அனுபவிப்பேன்னு சொல்றார். இந்த சீரியலை திங்கள் முதல் வெள்ளி வரை பிற்பகள் 2 :30 மணிக்கு பாருங்கள்.