ஆதவன் வந்துட்டாக...ரம்யா பாண்டியன் வந்துட்டாக...நம்ம வனிதாவும் மற்றும் உறவினர்கள்...!
சென்னை: விஜய் டிவியின் கலக்கப் போவது யாரு சீசன் 9 களைக்கட்டத் துவங்கி உள்ளது. காரணம் என்ன என்று பார்த்தால் ஜட்ஜஸ் சீட்டில் ஆதவன், மதுரை முத்து, ஈரோடு மகேஷ், ரம்யா பாண்டியன், வனிதா விஜயகுமார் என்று அத்தனை பேரும் உட்கார இருக்கிறார்கள்.
மேற்கண்ட இந்த காம்போ இருந்தால் நிகழ்ச்சி களைக் கட்டும்தானே ... கலக்கப் போவது யாரு நிகழ்ச்சியில் ஆரம்ப காலத்தில் போட்டியாளர்களாக கலக்கியவர் ஈரோடு மகேஷ், ஆதவன், மதுரை முத்து ஆகிய இவர்கள். காலப்போக்கில் அவரவர் வேறு திசையில் பயணித்துக் கொண்டு இருந்தார்கள்.
இந்த நிலையில், மீண்டும் கலக்கப் போவது யாரு சீசன் 9 ஐ மிகப் பெரிய அளவில் மக்களிடம் கொண்டு சேர்க்க விஜய் டிவி திட்டமிட்டு, இந்த மெகா காம்போவை நடுவர் சீட்டில் அமர வைக்க உள்ளது.
ஆதித்யா ஆதவன்
ஆரம்பத்தில் இருந்தே ஆதவன் சன் நெட்வொர்க் சானல்களுக்கு சென்றுவிட்டார். ஆதித்யா டிவியில் இவர் நடத்திய கொஞ்சம் நடிங்க பாஸ் பலருக்கும் பிடித்த ஒரு காமெடி நிகழ்ச்சி. இதன் மூலம் தன்னை வளர்த்துக்கொண்ட ஆதவன், பிறகான நாட்களில் சன் டிவியில் பெரிய நிகழ்ச்சித் தொகுப்பாளராக மாறினார்.எந்த ஒரு விழா நிகழ்ச்சியை சன் டிவி நடத்தினாலும் அதைத் தொகுத்து வழங்கும் தொகுப்பாளராக ஆதவன்தான் களம் இறக்கப்படுவார்.
மதுரை முத்து காமெடி
மதுரை முத்து சன் டிவியில் கடந்த சில வருடங்களாகவே ஞாயிறு அன்று ஒளிபரப்பாகி வந்த ஒரு காமெடி நிகழ்ச்சியைத் தொகுத்து வழங்கி வந்தார். அதற்குப் பிறகு தினம் இரவில் ஆதவனுடன் சேர்ந்து காமெடி ஜங்க்ஷன் நிகழ்ச்சியை வழங்கி வந்தார்.இப்போதான காலக் கட்டத்தில் அவ்வப்போது சன் டிவிக்கு சிறப்பு நிகழ்ச்சிகளை வழங்கி வருபவராக இருந்தார். இந்த நிலையில், இப்போது இவரும் விஜய் டிவியின் கலக்கப் போவது யாரு காம்போவில் இணைந்து இருக்கார்.
ஈரோடு மகேஷ்
ஈரோடு மகேஷ் அப்போதில் இருந்தே விஜய் டிவியில் செட்டில் ஆகி விட்டார். விஜய் டிவியில் இவர் பல நிகழ்ச்சிகளைத் தொகுத்து வழங்கி வருகிறார்.அதில் பல வகையான காமெடி நிகழ்ச்சிகளும் அடக்கம். இந்த நிலையில்தான் கலக்கப் போவது யாரு சீசன் 9 இல் இவரும் நடுவராக அந்த மெகா காம்போவில் இணைந்துள்ளார். மூன்று ஆண்கள் இருக்கும் இந்த கூட்டணியில் பெண்கள் இல்லாமல் எப்படி?
வனிதா ரம்யா
விஜய் டிவியில் ரம்யா பாண்டியன் குக்கு வித் கோமாளி சமையல் போட்டியில் கலந்துக்கொண்டு பலரையும் எண்டெர்டெயின் பண்ணி வருகிறார். இவர் இப்போது இந்த ஷோவில் இறுதி போட்டியாளருக்குத் தேர்வாகி உள்ளார். இந்த நிலையில் இவரை விடாமல் பிடித்துக்கொண்டுவிட்ட விஜய் டிவி கலக்கப் போவது யாரு சீசன் 9 க்கு தேர்ந்தெடுத்து உள்ளது. இவரோடு அண்மையில் பிக்பாஸ் மூலம் மிகவும் பிரபலமான வனிதா விஜயகுமாரும் இணைந்துள்ளார்.
இந்த நிகழ்ச்சியின் ஒளிபரப்பு வரும் ஞாயிறு முதல் பகல் 2 மணிக்கு ஆரம்பமாகி, தொடர்ந்து ஞாயிறு தோறும் ஒளிபரப்பாக உள்ளது.