Run Serial: ரொம்ப மெனக்கெட்டு சினிமா பாணி கேமிரா போல ரன்...செம!
சென்னை: சன் டிவியின் விகடன் டெலிவிஸ்டாஸ் சீரியல் ரன். இரவு ஒன்பது மணிக்கு ஒளிபரப்பாகுது. ஆரம்பித்த புதிதில் சினிமா பாணியில் காட்சிகள் ஒளிபரப்பானதில் நிஜமாவே பல பேருக்கு என்ன கதை என்றே புரியவில்லை.
இப்போதுதான் கொஞ்சம் கொஞ்சமாக கதை பிடிபட்டு இருக்கிறது. இந்த நேரத்தில் காட்சி அமைப்புகள்,கேமிரா செல்லும் கோணங்கள் என்று பார்த்தால் அது சினிமா பாணியில் ரொம்ப மெனக்கெட்டு செய்திருக்கிறார்கள்.
இதுத் தொடர்ந்தால் ரசித்துப் பார்க்க மக்களுக்கு ஆர்வம் கூடும் என்றுதான் நினைக்க தோன்றுகிறது. நிஜமா இது ஒரு வித்தியாசமான சீரியல்தான்.
Kanmani Serial: எதையும் மண்டையில் ஏத்திக்காத ஏழைங்க மனசு முத்துச்செல்வி மாதிரிதான்!
கேரோலின் காதலி
கேரோலின் சக்தியின் காதலி. இவ சக்தியுடன் வெளியில் போகிறேன் என்று சொல்லிவிட்டு சக்தியுடன் போகவில்லை. ஆனால், காணாமல் போய்விடுகிறாள். சக்தி, டியூ கட்டாத கார்களை சீஸ் செய்பவன். அப்படித்தான் ஹாங்காங்கில் இருந்து ஹாஸ்பிடலிட்டி இன்டெர்ன் முடித்து வந்த திவ்யாவுக்கு அறிமுகம் ஆனவன். அதாவது, திவ்யா காருக்கான டியூவை காட்டவில்லை என்று. அவள் காரை சீஸ் செய்யும் போது
அப்பாவின் விழாவில்
திவ்யாவின் அப்பா நிழல்கள் ரவி பெரும் புகழ் பெற்ற டாக்டர்.மருத்துவமனை வைத்தும் நடத்துபவர். அவரின் திருமணநாள் விழாவில், அவரே பெரும் கலக்கத்தில் இருக்கார். அப்பா என்னாச்சு என்று கேட்டும் அப்பாவிடம் இருந்து எந்த பதிலும் இல்லை. இதை நீ பார்த்துக்கோ திவ்யா. கொஞ்சம் வெளியில அவசரமான வேலை இருக்கு. நான் போயிட்டு வந்துடறேன்னு சொல்லிட்டு போறார்.
பார்த்து சக்தி
அந்த சமயம் பார்த்து சக்தி, வந்து...ஓ இதுவும் உன் வீடுதானா? உங்க வீட்டில் யாருக்கும் கார் வாங்கினா டியூ கட்டற பழக்கமே இல்லையான்னு கேட்கறான். இந்த நம்பர் கார் உன் அப்பா கார்தானே...அதை இன்னிக்கு சீஸ் பண்ணாம விட மாட்டேன்.எங்க அவர் கார்னு கேட்கிறான். அவர் வெளியில போயிருக்கார்.முடிஞ்சா சீஸ் பண்ணுடான்னு சொல்லிட்டு போயிடறா.
இருவரையும் காணோம்
இதே இரவில்தான் இங்கு திவ்யாவின் அப்பாவையும் ,அங்கு சக்தியின் காதலி கேரோலினையும் காணோம்.இருவருமே போலீஸ் புகார் கொடுக்க வரும்போது மறுபடியும் சந்திச்சுக்க, இவன்தான் சார் நேற்று பார்ட்டியில் வந்து கலாட்டா பண்ணினான்.இவனை பிடிச்சு விசாரிங்கன்னு திவ்யா சொல்ல, போலீசும் தயாராக இருக்க,அவன் கட்டிக்கப்போற பொண்ணை காணலைன்னு அவன் கூட அந்த லாயர் சொல்றார்.
சக்தி சொல்றான், நான் காரை எடுக்கும்போது அதில் அவர் இல்லை சார்.வெறும் கார்தான் இருந்துச்சுன்னு சொல்றான். இப்படி மர்ம ஓட்டத்தில் இப்போது ரன் சீரியல்!