Ramayan Serial: திகட்டாத தெள்ளமுதாக ஸ்டார் பிளஸ் சானலில் ராமாயணம்!
டெல்லி: லாக்டவுன் ஆரம்பிச்சாலும் ஆரம்பிச்சுது...எதெது டாப்பில் போகும் என்றே கணிக்க முடியாத அளவுக்கு தொலைக்காட்சி சானல்கள் ஒன்றை ஒன்று முந்தி டாப்புக்கு எகிறிக்கொண்டு இருக்கின்றன.
அந்த வகையில் டிடி நேஷனல் சானல், உலக இந்தியர்கள் மத்தியில் நம்பர் ஒன் சானலாக அப்பிலே போயிகிட்டு இருக்குது இப்போதைக்கு டிடி நேஷனல் இந்த இடத்தை தக்க வச்சுக்க என்ன செய்யணுமோ அதை செய்து வருகிறது.
உலக இந்தியர்களை கவரும் விதத்தில் ஸ்டார் பிளஸ் சானல், இதே இராமாயணத்தை, இன்று முதல் தினமும் இரவு 7:30 மணிக்கு ஒளிபரப்ப உள்ளதாக்க அதிகாரப் பூர்வமாக அறிவித்து இருக்கிறது.
தெள்ளமுது ராமாயணம்
மக்கள் எத்தனை முறை ராமாயணம் இதிகாசத் தொடரை பார்த்தாலும், அன்றன்று புதிது போலவே ராமாயணம் காட்சி தருவதாக கூறுகிறார்கள். .இத்தொடரை எடுக்க மிக அதிக பொருட்செலவு என்றாலும், அத்தனையும் ராமாயண காவியத்தை தத்ரூபமாக மக்களுக்கு சொல்ல செய்யப்பட்ட செலவுகள் என்பதால், அதிக செலவு என்று சொல்லிவிட முடியவில்லை.
சீதா பிராட்டியாக தீபிகா
பதி பக்தைக்கு இலக்கணமாகத் திகழும் சீதா பிராட்டி, கதாபாத்திரத்தில் நடித்து இருக்கும் தீபிகா, இந்த பாத்திரத்துக்கு மிக அருமையாக பொருந்தி இருப்பார். ரசிகர்கள் மக்கள் இவரை சீதாதேவியாகவே பாவித்து, ராமாயணத்தை பார்த்து ரசித்து மனதை பறிக்கொடுத்தனர். அது இப்போதும் தொடர்கிறது.
குத்துச்சன்டை வீரர் அனுமனாக
குத்துச் சண்டை தாரா சிங் அனுமனாக நடித்து இருந்தார். மிக சாந்தமான முகத்தை கொண்ட அருண் ராமராக நடித்து இருப்பார். இப்படி நட்சத்திரங்கள் பாத்திரத்துக்கு என்றே படைக்கப்பட்டவர்கள் போல பொருந்தி இருந்தனர். ராமாயணம் ஒளிபரப்பப்பட்ட காலத்தில் குடிசைகளில் ஆரம்பித்து பங்களாவில் வசிக்கும் மக்கள் வரை விரும்பி பார்த்து வந்த ராமாயணம், மீண்டும் அதே டிடி நேஷனலில் ஒளிபரப்பாகி வரும்போது அதை விட பல மடங்கு வரவேற்பு கிடைத்து வருகிறது. டிடி நேஷனல் சானல் இந்திய தொலைக்காட்சி சானல்களில் கிடுகிடுவென முதல் இடத்துக்கு முந்தி உள்ளது.
ஸ்டார் பிளஸ் சானல்
ராமாயணம் இந்தியாவில் வசிக்கும் இந்திய மக்களோடு மட்டும் நிற்காமல், உலக அளவில் அங்கங்கு வசிக்கும் இந்திய மக்களை கவர்ந்து உள்ளது. இதைக் கருத்தில் கொண்டு, ஸ்டார் பிளஸ் சானல், தினமும் மாலை 7:30 மணிக்கு ராமாயணம் தொடரை ஒளிபரப்ப இருக்கிறது. உலக அளவில் வசிக்கும் இந்தியர்கள் இந்த தொடரை பார்த்து மகிழ மலை 7:30 மணி நேரம் என்பது நல்ல நேரமாகத்தான் இருக்கும்.