Thenmozhi BA serial: கல்லுப்பட்டி கிராமத்தில் இதெல்லாம் பெரிய விஷயம்தான்...!
சென்னை: கிராமத்தில் மட்டும் இல்லை, நகரத்தில் கூட இன்னும் தங்களது பிளட் குரூப் வகை தெரியாமல் ஒரு சிலர் இருக்கிறார்கள் என்பது உண்மை.
இதே போலத்தான் கிராமத்திலும் ஒரு சிலர் இருப்பார்கள் என்று பார்த்தால் விஜய் டிவியின் தேன்மொழி பிஏ சீரியலில் பிளாட் குரூப்னா என்னவோ வாட்சாப் குரூப் மாதிரி கேள்வி கேட்கறாங்க.
வாட்சாப் குரூப் கூட கல்லுப்பட்டி கிராம மக்களுக்கு தெரியுது. பிளட் குரூப் வகை தெரியலையாம் பாருங்க. இதனால், அந்த ஊர் ஊராட்சி மன்றத் தலைவி தேர்தலுக்கு நிற்கும் தேன்மொழி ரத்த தான முகாமுக்கு ஏற்பாடு செய்கிறாள்.
தேன்மொழி பிஏ
கல்லுப்பட்டி கிராமத்தின் ஊராட்சி மன்றத் தேர்தலில் தலைவியாக நிற்கும் தேன்மொழிக்கு, ரத்த தானம் பற்றிய விழிப்புணர்வு ஏற்படுவது மிக நல்ல விஷயமாக இந்த சீரியலில் இருக்கிறது. விஏஓ சாருக்கு மண்டையில் அடிபட அப்போதுதான் அவரின் அரிய வகை ரத்தம் கிடைக்க தாமதமாகிறது.
ரத்த தான முகாம்
ரத்த தான முகாம் நடத்த வேண்டும் என்று தேன்மொழி, கிராமத்தின் விஏஓவிடம் உதவி கேட்க, அவரும் அனைத்து உதவிகளையும் செய்கிறார். ரத்த தான முகாமில் உங்களின் ரத்தம் கொடுத்தால் ரத்த வகை என்ன என்று நாங்கள் சொல்கிறோம்.. ஜூஸ்..பிஸ்கெட், அரிசி என்று எல்லாமுண்டு என்று தேன்மொழி மைக் பிடித்து பேச கூட்டம் குவிகிறது.
கூட்டத்தில் முதியோர்
குறிப்பாக மூதாட்டி ஒருவரும் வரிசையில் நிற்க.. அவரிடம் போயி பேசுகிறாள் தேன்மொழி.அதுவும் ரத்தம் கொடுக்க வந்தவர் என்கிற முறையில்.. அத்துடன் ஒரு டயலாக் வச்சு இருக்கலாம். வயதில் மூத்தவர்கள் ரத்த தானம் கொடுக்க கூடாது. வேண்டும் என்றால் என்ன வகை ரத்தம்னு தெரிஞ்சுக்கிட்டு போங்கன்னு
கல்லுப்பட்டி கிராமத்துக்கு
கல்லுப்பட்டி கிராமத்து கதைக்கு இந்த விழிப்புணர்வு எபிசோட் தேவையானதாக கூட இருக்கலாம். இப்பொதெல்லாம் படித்த பிள்ளைகள் தமிழகத்தில் அதிகம். பட்டி தொட்டி எங்கிலும் இருந்து நகரங்ககளில் படிக்கிறார்கள்.இவர்கள் மூலம் ரத்த தானம் குறித்த விஷயங்கள் வீட்டில் படிக்காதவர்களுக்கும் தெரிந்து இருக்கும். அப்படி தெரியவில்லை என்றாலும், இது போன்ற சீரியல்கள் மூலம் சென்றடையும்.