அனிதா லவ்வை அநியாயமா... அனாமிகா.. ஆமா யார் அவ?
சென்னை: கலர்ஸ் தமிழ் டிவியின் திருமணம் சீரியலில் ஒரு சின்ன லவ் ஸ்டோரி அப்பப்போ கிராஸ் ஆகிட்டு இருந்துச்சு.
ஜனனி தங்கச்சி அனிதா.. சந்தோஷின் தம்பி நவீன், நவீனமேல அனிதாவுக்கு காதல். சும்மா விளையாட்டா அனாமிகான்னு ஒரு பேர் வச்சு நவீன்கிட்ட பேச ஆரம்பிக்கறா.
நவீன் அனாமிகா அனிதாவோட ஃபிரண்ட்னு நினைச்சுகிட்டு பேசறான். நாளடைவில் அது காதலா மாறுது. அனாமிகா இல்லேன்னா தனக்கு வாழ்க்கையே இல்லைன்னு நினைச்சு அவள் நினைவுலேயே வாழறான்.
சரி, இனிமேலும் சந்திக்காம இருந்தா எப்படின்னு கேட்கறான். சரி இந்த ஞாயித்து கிழமை சந்திக்கலாம்னு ரெண்டு பேரும் முடிவு பண்றாங்க. அனிதாவுக்கு நவீன் அனாமிகாதான்னு தெரிஞ்சா உடனே வெறுத்துருவானோன்னு பயம் வேற.
ஒரு வழியா ஃபிரண்டோட குறிப்பிட்ட இடத்துக்கு நவீனை சந்திக்கப் போறா. நவீன் ஜூஸ் கடையில ஆவலா, ஆசையா உட்கார்ந்திருக்கான்.. அனிதா பயந்துகிட்டே உள்ளே போகப் போறா..
பேய் என்றால் மூட நம்பிக்கை என்பதை மக்களே உடைச்சு எரிஞ்சுட்டாங்க.. ராகவா லாரன்ஸ்
அதுக்குள்ள ஒரு அழகான பெண் நவீனை நோக்கி வர்றா. நவீன் எழுந்து நிற்க.. ஹாய்.. ஐ அம் அனாமிகான்னு நவீனுக்கு கை குடுக்கறா. இவனும் நான்தான் நவீன்னு சொல்ல, இருவரும் ஜாலியா பேச ஆரம்பிச்சுடறாங்க.
அனிதா பொய் சொல்லி அனாமிகான்னு பேசி, நவீனை காதலிக்க ,இப்போ அதையும் கெடுக்க ஒருத்தி வந்திருக்காளேன்னு கண்ணீர் விட்டு நிக்கறா.