Zee Tamil Tv : ஜீ தமிழ் டிவி 11ம் ஆண்டை இன்று நிறைவு செய்கிறதாம்!
சென்னை: ஆரம்ப காலத்தில் மத்திய அரசு தொலைக் காட்சியான தூர்தர்ஷன் கேந்திராவை மட்டுமே நம்பி இருந்தோம். அதுவும் கூட மாநிலங்களின் தலை நகரங்களில் மட்டுமே தெரியும்.
அதன் பிறகு சில வருடங்கள் கழித்து சில மாவட்ட தலை நகரங்களிலும் தெரிய ஆரம்பித்தது. ஊர்ப் புறங்களுக்கும் தூர்தர்ஷன் தெரிய ஆரம்பித்த காலக் கட்டத்தில்தான் அனைத்து ஊர்களிலும் சன் டிவி தனது சேவையைத் துவங்கியது.
டிஷ் ஆன்டெனா அமைப்பது, கேபிள் கனெக்ஷன் கொடுப்பது என்று பெரிய புராஸஸாகி அனைத்து மக்களும் தமிழ் நிகழ்ச்சிகளை கண்டு களிக்க ஆரம்பித்தனர்.
டிவியில் போட்டி
டிவிக்கு போட்டி வேண்டும் என்று ராஜ் டிவி, விஜய் டிவி என்று போட்டி டிவிக்கள் முளைக்கத் துவங்கின. கடந்த 11 வருடங்களுக்கு முன்னர் இப்படி ஆரம்பித்ததுதான் ஜீ தமிழ் டிவி.இது இந்தியா முழுவதும் பல மொழிகளில் முன்பே கோலோச்சி இருந்தாலும், பின்னர்தான் தமிழ்நாட்டில் தனது ஒளிபரப்பைத் துவங்கியது.
ஜீ தமிழ் டிவி
ஜீ தமிழ் டிவி ஆரம்பித்த வேகத்திலேயே சூடு பிடிக்கத் துவங்கி வித்தியாசமான நிகழ்ச்சிகளை வழங்கி மக்களின் கவனத்தை ஈர்த்தது. சொல்வதெல்லாம் உண்மை என்கிற நிகழ்ச்சி பல தரப்பினரிடம் இருந்து பல்வேறு விமர்சனங்களை வெளிப்படுத்துவதாக இருந்தாலும், அந்த டிவியின் சூப்பர் ஹிட் நிகழ்ச்சிகளில் முதன்மையானது என்றே பார்க்கப்படுகிறது.
போட்டி கொடுப்பது
சீரியல், கேம் ஷோ இன்னும் பல்வேறு நிகழ்ச்சிகள் என்று அத்தனை சானல்களுக்கும் டஃப் காம்படீஷன் கொடுத்து வருகிறது. நடனப் போட்டி, சரிகமப என்கிற போட்டிகள் இதற்கு விதிவிலக்கு அல்ல. பிரமாண்டம் என்பதும் இந்த டிவிக்கு கை வந்த கலை
|
இன்று நிறைவு
இந்த நிலையில்தான் ஜீ தமிழ் டிவி தனது 11 வது ஆண்டை இன்று நிறைவு செய்துள்ளது. நாளை மாலை 6:30 மணிக்கு ஜீ தமிழ் டிவி குடும்ப விருதுகள் வழங்கும் விழாவை ஒளிபரப்ப உள்ளது. இத மிகப் பிரமாண்டமாக ஜீ தமிழ் டிவி நடத்தி முடித்து இருக்கிறது. நாளை ஜீ தமிழ் டிவி 12 வது ஆண்டில் அடி எடுத்து வைக்கும் நாள் அவர்களுக்கு நல்ல நாளாகவே இருக்கிறது.