• search
திருவனந்தபுரம் அப்டேட்டுகளுக்கு
நோட்டிபிகேஷனை அனுமதி  

கேரள சட்டசபையில் ஒலித்த தமிழ்... தாய்மொழியில் உறுதிமொழி கூறி பதவியேற்ற தேவிகுளம் சிபிஎம் எம்எல்ஏ

Google Oneindia Tamil News

திருவனந்தபுரம்: கேரள சட்டமன்றத் தேர்தலில் தேவிகுளம் சட்டமன்றத் தொகுதியில் வெற்றி பெற்ற மார்க்சிஸ்ட் கம்யூனிஸ்ட் வேட்பாளர் A.ராஜா, தனது தாய்மொழியான தமிழில் உறுதிமொழி கூறி பதவியேற்றுக் கொண்டார்.

தமிழ்நாடு, கேரளா உள்ளிட்ட ஐந்து மாநிலச் சட்டசபைத் தேர்தல் முடிவுகள் மே 2ஆம் தேதி அறிவிக்கப்பட்டன. அதில் கேரளா, அசாம், மேற்கு வங்கம் ஆகிய மாநிலங்களில் ஆளும் கட்சியே ஆட்சியைத் தக்க வைத்தது.

கேரளாவில் மொத்தம் இருக்கும் 140 தொகுதிகளில் மார்க்சிஸ்ட் கம்யூனிஸ்ட் தலைமையிலான இடதுசாரிகள் கூட்டணி 99 இடங்களைக் கைப்பற்றி ஆட்சியை தக்க வைத்தது.

கேரள மாநில புதிய அமைச்சரவை.. கடந்த முறை 2.. இந்த முறை 3 பெண்களுக்கு வாய்ப்பு கேரள மாநில புதிய அமைச்சரவை.. கடந்த முறை 2.. இந்த முறை 3 பெண்களுக்கு வாய்ப்பு

கேரள தேர்தல்

கேரள தேர்தல்

பிரதான எதிர்க்கட்சியான காங்கிரஸ் தலைமையிலான கூட்டணி 41 இடங்களில் மட்டுமே வெற்றி பெற்றது. கடந்த முறை ஒரு இடத்தில் மட்டும் வென்ற பாஜக இந்த முறை போட்டியிட்ட அனைத்து தொகுதிகளிலும் தோல்வியடைந்தது. தேர்தல் முடிவுகள் வெளியாகி 18 நாட்களுக்குப் பிறகு, கேரள முதல்வராக பினராயி விஜயன் கடந்த 20ஆம் தேதி முதல்வராகப் பதவியேற்றார்.

பதவியேற்பு விழா

பதவியேற்பு விழா

கொரோனா பரவல் காரணமாக எளிமையாக நடந்த இந்த விழாவில் 20 அமைச்சர்களும் பதவியேற்றுக் கொண்டனர். அதைத் தொடர்ந்து இடைக்கால சபாநாயகராக பிடிஏ ரகீம் தேர்ந்தெடுக்கப்பட்டார். அவருக்குக் கடந்த வெள்ளிக்கிழமை ஆளுநர் பதவிப் பிரமாணம் செய்து வைத்தார். இந்நிலையில், 15ஆவது கேரள சட்டசபையின் முதல் கூட்டத்தொடர் இன்று தொடங்கியது.

தமிழில் பதவியேற்ற தேவிகுளம் எம்எல்ஏ

தமிழில் பதவியேற்ற தேவிகுளம் எம்எல்ஏ

இடைக்கால சபாநாயகர் ரகீம் இன்று அனைத்து எம்எல்ஏக்களுக்கும் பதவிப்பிரமாணம் செய்து வைத்தார். அப்போது, கேரள சட்டமன்றத் தேர்தலில் தேவிகுளம் சட்டமன்றத் தொகுதியில் வெற்றி பெற்ற மார்க்சிஸ்ட் கம்யூனிஸ்ட் வேட்பாளர் A.ராஜா, இன்று தனது தாய்மொழியான தமிழில் உறுதிமொழி கூறி பதவியேற்றுக் கொண்டார். இந்த வீடியோ இணையத்தில் வைரலானதைத் தொடர்ந்து அவரை பலரும் வாழ்த்து தெரிவித்து வருகின்றனர்.

சு வெங்கடேசன் எம்பி வாழ்த்து

சு வெங்கடேசன் எம்பி வாழ்த்து

இது குறித்து மதுரை நாடாளுமன்ற உறுப்பினர் சு வெங்கடேசன் தனது பேஸ்புக் பக்கத்தில், "சேரநாட்டில் செந்தமிழ்! கேரள சட்டமன்றத் தேர்தலில் இடுக்கி மாவட்டம் தேவிகுளம் சட்டமன்றத் தொகுதியில் மார்க்சிஸ்ட் கட்சி சார்பில் போட்டியிட்டு வெற்றி பெற்ற தோழர் வழக்கறிஞர் A.ராஜா தனது தாய்மொழியான தமிழில் உறுதிமொழி கூறி பதவியேற்றார் . அவருக்கு எனது நெஞ்சார்ந்த வாழ்த்துகள்!" எனப் பதிவிட்டுள்ளார்.

English summary
Kerala communist MLA takes oath in Tamil
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X