By : Oneindia Tamil Video Team
Published : January 13, 2018, 01:19

ஆபாச நடிகைக்கு பணம் கொடுத்து செட்டில்மென்ட் செய்த ட்ரம்ப்-வீடியோ

உறவு வைத்துக் கொண்டதை வெளியே சொல்லாமல் இருக்க அமெரிக்க அதிபர் டொனால்ட் ட்ரம்ப் சார்பில் ஆபாச பட நடிகை ஸ்டீபனி கிளிஃபோர்ட் என்பவருக்கு $130,000 தொகை கொடுக்கப்பட்டதாக அமெரிக்க முன்னணி நாளிதழான வால் ஸ்ட்ரீட் ஜர்னல் செய்தி வெளியிட்டுள்ளது. டொனால்ட் ட்ரம்பின் வழக்கறிஞர் மைக்கேல் கோஹென், ஆபாச பட நடிகை ஸ்டீபனி கிளிஃபோர்ட்டுக்கு பணம் கொடுத்ததாக சர்ச்சை எழுந்துள்ளது. 2006ம் ஆண்டு கலிபோர்னியாவில் ட்ரம்ப் மற்றும் ஸ்டீபனி கிளிஃபோர்ட் உறவு வைத்துக்கொண்டதாக அந்த செய்தி மேலும் தெரிவிக்கிறது.

ட்ரம்ப், மெலானியாவை 3வது மனைவியாக மணம் முடித்த அடுத்த ஓராண்டில், நடிகையுடன் உல்லாசமாக இருந்துள்ளார் என்பதே அந்த செய்திக்கான அர்த்தம்.

லாஸ் ஏஞ்சல்ஸ் நகரிலுள்ள சிட்டி நேஷனல் பேங்கின் வழியாக, இந்த பண பரிமாற்றம் நடைபெற்றுள்ளது. 2016ம் ஆண்டு நடைபெற்ற அதிபர் தேர்தலில் நடிகை வாய் திறக்காமல் இருக்க பணம் கொடுக்கப்பட்டுள்ளது. இதுகுறித்து வாஷிங்டன் போஸ்ட் நாளிதழுக்கு விளக்கம் அளித்துள்ளார் மைக்கேல் கோஹென்.

மைக்கேல் கோஹென் கூறுகையில், 2011 முதலே இந்த வதந்தி பரப்பப்படுகிறது. டொனால்ட் ட்ரம்ப் ஏற்கனவே இதற்கு மறுப்பு கூறியுள்ளார் என்றார். ஸ்டீபனி கிளிஃபோர்ட் கூறுகையில், ட்ரம்ப்பிடமிருந்து நான் பணம் பெற்றதாக கூறப்படும் தகவல் முற்றிலும் பொய்யானது. அப்படி ஒரு உறவு இருந்திருந்தால், அதை நீங்கள் நியூசாக வாசித்துக்கொண்டிருக்க மாட்டீர்கள். எனது புத்தகத்தில் வாசித்திருப்பீர்கள் என கூறியுள்ளார் அவர்.

மைக்கேல் கோஹென் பெயர் சர்ச்சையில் சிக்குவது இது முதல் முறை இல்லை. அமெரிக்க தேர்தலில் ரஷ்யாவின் தலையீடு உள்ளதாக எழுந்த குற்றச்சாட்டிலும் மைக்கேல் கோஹென் பெயர் அடிபட்டுள்ளது. ரஷ்ய அதிபர் விளாடிமிர் புட்டின் செய்தித் தொடர்பாளருக்கு, மைக்கேல் கோஹென் இமெயில் அனுப்பியதாக சர்ச்சை எழுந்திருந்தது.

நாள் முழுவதும் oneindia
செய்திகளை உடனுக்குடன் பெற

தமிழன் என்று சொல்லடா Subscribe செய்யடா