மக்களின் ஆரோக்கியத்திற்கு ஏற்ற வகையில் ஆவின் நிறுவனம், டிலைட் பால், டயட் மில்க் மற்றும் பிரீமியம் பால் என மூன்று வெவ்வேறு நிறங்களில் பால் வகைகளை சந்தைப்படுத்த திட்டமிட்டுள்ளது.
பசும்பாலில் சராசரியாக 3% முதல் 4% கொழுப்பு மற்றும் 7.5% முதல் 8.5% மற்ற ஊட்டச்சத்துக்கள் உள்ளன.
இதன் அடிப்படையில் 3.5% கொழுப்பு மற்றும் 8.5% இதர சத்துக்கள் கொண்ட ஆவின் டிலைட் ஊதா நிற பால் பாக்கெட்டுகளில் விற்பனை செய்யப்படுகிறது.
மேலும், டிலைட் பாலில் வைட்டமின் ஏ மற்றும் டி செறிவூட்டப்பட்டுள்ளது. இந்த வகை பால் பயன்படுத்துபவர்களின் ஆரோக்கியத்திற்கும் நல்லது.
அதேபோல், 1.5% கொழுப்பு மற்றும் 8.5% மற்ற ஊட்டச்சத்துக்கள் கொண்ட, குறைந்த கொழுப்புள்ள டயட் பால் இளஞ்சிவப்பு பாக்கெட்டுகளில் கிடைக்கிறது.
மேலும், 6.0% கொழுப்பு மற்றும் 9.0% மற்ற ஊட்டச்சத்துக்கள் உள்ள பிரீமியம் பால் ஆரஞ்சு நிற பாக்கெட்டுகளில் விற்பனை செய்யப்படுகிறது.
எனவே, மக்களின் ஆரோக்கியத்தை பாதுகாக்கும் வகையில், தேவைக்கேற்ப இந்த வகை பால் பாக்கெட்டுகள் வழங்கப்பட்டு வருகிறது.