வீட்டிலேயே எளிமையாகவும் சுவையாகவும் செய்யக்கூடிய ஒரு சிறந்த மதிய உணவாக காலிஃப்ளவர் புலாவ் அமைகிறது.
மணமிக்க மசாலா மற்றும் பாஸ்மதி அரிசியுடன் தயாரிக்கப்படும் இந்த புலாவ், அனைவரும் விரும்பி சாப்பிடக்கூடிய உணவாகும்.
தேவையான பொருட்கள்: பாஸ்மதி அரிசி – 200 கிராம், காலிஃப்ளவர் – 200 கிராம், வெங்காயம் – 200 கிராம், தக்காளி – 100 கிராம், எண்ணெய் – தேவையான அளவு, உப்பு – தேவையான அளவு
தேவையான மசாலா பொருட்கள்: சிவப்பு மிளகாய் – 10–15, இஞ்சி பூண்டு விழுது – 2 ஸ்பூன், பட்டை – 1 துண்டு, கிராம்பு – 2, தேங்காய் – 3 துண்டுகள்
செய்முறை: முதலில் பாஸ்மதி அரிசியை ஊறவைத்து, உதிர் உதிராக வேகவைத்து சிறிதளவு எண்ணெய் அல்லது நெய் சேர்த்து தனியாக வைத்துக் கொள்ளவும்.
காலிஃப்ளவர், வெங்காயம் மற்றும் தக்காளியை தேவையான அளவில் நறுக்கி வைத்துக் கொள்ளவும். மசாலா பொருட்களை ஒன்றாக சேர்த்து நன்றாக மைய அரைத்து விழுதாக தயாரிக்கவும்.
அகன்ற பாத்திரத்தில் எண்ணெய் ஊற்றி வெங்காயத்தை பொன்னிறமாக வதக்கவும். பின்னர் தக்காளியை சேர்த்து நன்றாக வதக்கிய பின், நறுக்கிய காலிஃப்ளவரை சேர்த்து சுமார் 5 நிமிடங்கள் வதக்கவும்.
இப்போது அரைத்த மசாலா விழுதை சேர்த்து, காய்கறிகள் மென்மையாக வேகும் வரை சமைக்கவும்.
காய்கறிகள் வெந்து எண்ணெய் பிரியத் தொடங்கியதும், வேகவைத்த அரிசியை சேர்த்து மெதுவாக கிளறவும்.
மணமிக்க மசாலா சுவையுடன் தயாராகும் இந்த காலிஃப்ளவர் புலாவ், மதிய உணவுக்கும் சிறப்பு நாட்களுக்கும் ஏற்ற ஒரு சிறந்த தேர்வாக இருக்கும். சூடாக பரிமாறினால் சுவை இன்னும் அதிகரிக்கும்.