பட்டா என்பது ஒருவருக்கு சொந்தமான நிலம் என்று வருவாய்த்துறையால் வழங்கப்படும் ஆவணமாகும்.

பின்னர் 'பட்டா மாறுதல் விண்ணப்பிக்க' அதில் (Apply Patta transfer) என உள்ள ஐகான்/லிங்கை க்ளிக் செய்ய வேண்டும். அது https://tamilnilam.tn.gov.in/citizen/ தளத்திற்கு செல்லும்.

பின்னர் அதில் மொபைல் எண்ணை கொடுத்து, அந்த எண்ணுக்கு எஸ்எம்ஸ் மூலம் வரும் ஓடிபி-ஐ கொடுத்து லாக்-இன் செய்ய வேண்டும்.

அதில் பயனர் பெயர், பெற்றோர், மின்னஞ்சல் முகவரி, பிறந்த தேதி, பாலினம், முகவரி உள்ளிட்ட விவரங்களை கொடுக்க வேண்டும்.

அதை தொடர்ந்து நிலம் அல்லது வீடு எந்த மாவட்டம், வட்டம், கிராமம், சார்பதிவாளர் அலுவலகம், ஆவணம் பதிவு செய்யப்பட்ட தேதி, ஆவணப் பதிவு எண், புல எண், உட்பிரிவு எண் போன்றவற்றை நில விவரங்களாக கொடுக்க வேண்டும்.

உட்பிரிவற்ற பட்டா மாற்றம் என்றால் விண்ணப்பக் கட்டணம் ரூ.60 செலுத்த வேண்டும். உட்பிரிவுடன் பட்டா மாற்றம் என்றால் அதற்கான தொகை 400 ரூபாயும், விண்ணப்பக் கட்டணம் ரூ.60 சேர்த்து செலுத்த வேண்டும்.

கட்டணம் செலுத்திய பிறகு, பட்டா மாறுதலுக்கு விண்ணப்பித்த தேதியைக் குறிப்பிட்டு விண்ணப்ப எண்ணுடன் விண்ணப்பம் பெறப்பட்டதாக விண்ணப்பதாரரின் அலைபேசி எண்ணுக்கு தெரிவிக்கப்படும்.

அத்துடன் தமிழ்நாடு வருவாய் மற்றும் பேரிடர் மேலாண்மைத் துறை சார்பில், சேவைக் கட்டணம் குறித்த விவரம், பட்டா மாறுதல் மனு தொடர்பாக புல விசாரணைக்கு வருவாய்த் துறை அலுவலர்களால் (கிராம நிர்வாக அலுவலர் / நிலஅளவர்) தங்களுக்கு தகவல் தெரிவிக்கப்படும் என்று எஸ்எம்எஸ் வரும்.

மேலும், விண்ணப்பத்தின் நிலையை https://eservices.tn.gov.in/eservicesnew/index.html என்ற தளத்திற்கு சென்று விண்ணப்ப எண்ணை கொடுத்து அறிந்து கொள்ளலாம்.

மேலும் இது போன்ற சுவாரஸ்யமான தகவல்களுக்கு இந்த இணைப்பிற்கு செல்லவும்