பழங்கால மருத்துவத்தின் இன்றியமையாத பகுதியாகவும், அதன் சக்திவாய்ந்த குணப்படுத்தும் பண்புகளுக்காகவும் இஞ்சி பெயர்பெற்றது.
வெதுவெதுப்பான இஞ்சி நீரைக் குடிப்பதன் மூலம், ஒட்டுமொத்த ஆரோக்கியத்தையும் மேம்படுத்தலாம். அந்தவகையில், இந்த இஞ்சி நீர் குணப்படுத்தும் 7 உடல்நலப் பிரச்சினைகள் குறித்து இந்த பதிவில் பார்க்கலாம்.
கர்ப்பிணிப் பெண்கள் வெதுவெதுப்பான இஞ்சித் தண்ணீரைக் குடிப்பதால், இஞ்சியில் உள்ள ஜிஞ்சரால் போன்ற கலவைகள் வயிற்றை ஆற்றவும், குமட்டல் உணர்வுகளைக் குறைக்கவும் உதவுகிறது.
இஞ்சி செரிமான நொதிகளைத் தூண்டுவதோடு, சிறந்த செரிமானத்தையும் ஊக்குவிக்கிறது. அந்தவகையில், உணவுக்குப் பிறகு இஞ்சித் தண்ணீரை பருகுவது சீரான செரிமானத்தை ஊக்குவிக்க உதவுகிறது.
இஞ்சியில் உள்ள அழற்சி எதிர்ப்பு மற்றும் நுண்ணுயிர் எதிர்ப்பு பண்புகள், சளி மற்றும் காய்ச்சல் அறிகுறிகளுக்கு ஒரு சிறந்த தீர்வாக அமைகிறது. இது உடல் தொற்றுக்களை எதிர்த்துப் போராட உதவுகிறது.
வெதுவெதுப்பான இஞ்சி நீரைக் குடிப்பது இரத்த ஓட்டத்தை மேம்படுத்துகிறது. இது தலைவலி மற்றும் ஒற்றைத் தலைவலியையும் போக்கலாம்.
உடற்பயிற்சி காரணமாக தசைகள் பலவீனமடையலாம். இந்த வெதுவெதுப்பான இஞ்சி நீர் இரத்த ஓட்டத்தை மேம்படுத்துவதன் மூலமும் வீக்கத்தைக் குறைப்பதன் மூலமும் தசைகளை மீட்டெடுக்க உதவுகிறது.
வெதுவெதுப்பான இஞ்சி தண்ணீரைக் குடிப்பதன் மூலம், இஞ்சியில் உள்ள அழற்சி எதிர்ப்பு பண்புகள் மூட்டுகளில் வீக்கம் மற்றும் விறைப்புத்தன்மையைக் குறைக்க உதவுகிறது.
மாதவிடாயின் போது பெண்கள் வெதுவெதுப்பான இஞ்சி நீரைக் குடிப்பது தசைப்பிடிப்பு மற்றும் அசௌகரியத்தை குறைக்கவும், கருப்பையின் தசைகளை தளர்த்தவும் உதவுகிறது.
இஞ்சியை நன்றாக கழுவி தோலுரித்து நறுக்கவும். ஒரு பாத்திரத்தில் தண்ணீரை கொதிக்க வைத்து, அதில் நறுக்கி வைத்த இஞ்சித் துண்டுகளைச் சேர்த்து சுமார் 10 முதல் 15 நிமிடங்கள் கொதிக்கவிடவும்.
பின் இஞ்சி தண்ணீரை அடுப்பிலிருந்து இறக்கி ஒரு கோப்பையில் வடிகட்டி, தேவை என்றால் அதில் சிறிது தேன் அல்லது எலுமிச்சை சாறு சேர்க்க இஞ்சி தண்ணீர் ரெடி.