Click it and Unblock the Notifications
சிக்ஸ் அடித்து சாதனை
தனது சாதனையை சிக்ஸரின் மூலம் யூனிஸ்கான் நிறைவேற்றியபோது அரங்கில் கூடியிருந்த ரசிகர்கள் உற்சாகக் குரல் எழுப்பி ஆரவாரம் செய்தனர்.
கைதட்டி பாராட்டு
மேலும் பாகிஸ்தான் கிரிக்கெட் வீரர்களும், ரசிகர்களும் எழுந்து நின்று யூனிஸ்கானுக்கு மரியாதை செலுத்தி பாராட்டி மகிழ்ந்தனர்.
19 ரன்கள் பாக்கி இருந்த நிலையில்
இந்த டெஸ்ட் போட்டிக்கு வருவதற்கு முன்பு மியான்தத் சாதனையை முறியடிக்க 19 ரன்கள் மட்டுமே யூனிஸ்கானுக்குத் தேவைப்பட்டிருந்தது குறிப்பிடத்தக்கது.
102வது டெஸ்ட் போட்டியில்
தனது சாதனையை 102வது டெஸ்ட் போட்டியில் நிகழ்த்தியுள்ளார் யூனிஸ்கான். சாதனைக்கு முன்பாக 15 ரன்களில் இருந்த அவர் சிக்ஸர் அடித்து 21 ரன்களை எடுத்து சாதனை படைத்தார்.
22 வருட சாதனை
கடந்த 22 வருடமாக மியான்த்தின் சாதனையை எந்த பாகிஸ்தான் வீரரும் முறியடிக்க முடியாமல் இருந்தது. தற்போது அதை சாதித்துள்ளார் யூனிஸ்கான்.
8832
மியான்தத் 124 டெஸ்ட் போட்டிகளில் விளையாடி 8832 ரன்களைக் குவித்து சாதனை படைத்திருந்தார். அதை தற்போது முறியடித்துள்ளார் யூனிஸ்கான். அவர் தற்போது 8836 ரன்களைக் குவித்துள்ளார்.
ஏற்கனவே சாதனையாளர்
ஏற்கனவே யூனிஸ்கான் ஒரு சாதனையை வைத்துள்ளார். அதிக டெஸ்ட் சதங்களைப் போட்டுள்ள பாகிஸ்தான் வீரர் அவர்தான். 30 சதங்களை அவர் போட்டுள்ளார்.
ரொம்ப காலம் நீடிக்கும்
யூனிஸ்கானின் சாதனையை இப்போதைக்கு முறியடிக்கக் கூடிய நிலையில் எந்த பாகிஸ்தான் வீரரும் இல்லை என்பதால் இவரது சாதனையும் நீண்ட காலம் முறியடிக்கப்படாமல் இருக்கும் என்று கருதப்படுகிறது.
