Click it and Unblock the Notifications
அமெரிக்காவில்...
அமெரிக்காவில் கடந்த வியாழக்கிழமை யுஎஸ்ஏ டிரக் மற்றும் பீல்டு சாம்பியன்ஷிப் தடகள போட்டி நடைபெற்றது. இதில் 800 மீட்டர் ஓட்டப்பந்தயத்தில் அலிசியா மொன்டானோ கலந்து கொள்ள வந்திருந்தார்.
ஆச்சரியம்
இவரை பார்த்தவர்களுக்கு ஆச்சரியம், 5 மாத கர்ப்பிணியாக உள்ளாரே இவர் எப்படி தடகள போட்டியில் என்று திகைப்புடன் பார்த்தனர். போட்டியும் தொடங்கியது. அலிசியாவோ தன் ஓட்டத்தை தொடங்கினார்.
கடும் வெயில்
கடும் வெயிலையும் பொருட்படுத்தாமல் அலிசியா சிட்டாக பறந்தார். ஆனால் பார்ப்பவர்களுக்குத்தான் வயிற்றில் குழந்தை உள்ளதே தவறி விழுந்தால் என்னவாவது என்று பதைபதைப்புடன் பார்த்து கொண்டிருந்தனர்.
கவலையே இல்லை
ஆனால் அலிசியாவோ தன் வயிற்றில் 5 மாதக் குழந்தை இருப்பது குறித்தும் எவ்வித கவலையும்படாமல் சிட்டு போல் பறந்தார். அவர் 800 மீட்டர் தூரத்தை விரைவாக கடந்தார். இதை அனைவரும் கைதட்டி ஆரவாரம் செய்தனர். 31 வயதாகும் இவரால் முதல் இடத்திற்கு வர முடியவில்லை.
19 வினாடிகள் மட்டுமே...
800 மீட்டர் தூரத்தை கடக்க இவருக்கு 2 நிமிடம் 21.40 நொடிகளில் கடந்தார். முதல் இடத்தை பிடித்த வீராங்கனையை விட 19 வினாடிகள் மட்டுமே காலதாமதமாகும். இவர் கர்ப்பிணியாக ஓட்ட பந்தயத்தில் கலந்து கொள்வது இது முதல்முறையல்ல. கடந்த 2014-ஆம் ஆண்டு மொனாக இவரது முதல் குழந்தை வயிற்றில் இருக்கும்போதும் அவர் இதுபோன்று ஓட்டபந்தயத்தில் கலந்து கொண்டார்.
8 மாத கர்ப்பிணி
அப்போது அவர் 8 மாத கர்ப்பிணியாக இருந்தார். 5 முறை தேசிய சாம்பியன் பட்டம் பெற்ற அலிசியா, 2 நிமிடங்கள் 32.13 வினாடிகளில் பந்தய தூரத்தை கடந்தார். இது கடந்த 2010-ஆம் ஆண்டு மொனாகோவில்னா நடைபெற்ற போட்டியில் அவர் இயல்பாக இருக்கும் போது கடந்த நேரத்தைவிட 35 வினாடிகள் குறைவாகும்.
