கபாலி, விஜய் பட தயாரிப்பாளர் கலைப்புலி தாணு வீடு அலுவலகத்திலும் ரெய்டு!

பிரபல தயாரிப்பாளரும் தயாரிப்பாளர் சங்கத் தலைவருமான கலைப்புலி தாணுவின் அலுவலகத்திலும் வீட்டிலும் இன்று வரிமான வரித்துறை ரெய்டு நடந்ததாக தகவல் வெளியாகியுள்ளது.

நடிகர் விஜய், நடிகைகள் நயன்தாரா, சமந்தா, புலி படத் தயாரிப்பாளர்கள் பிடி செல்வகுமார், ஷிபு தமீன்ஸ், புலி பட அலுவலகம், தயாரிப்பாளர்களின் வீடுகள், கொச்சி, திருவனந்தபுரத்தில் உள்ள நயன்தாரா, சமந்தா மற்றும் ஷிபு தமீன்ஸ் வீடுகள் உள்பட 32 இடங்களில் இன்று அதிகாலையிலேயே வருமான வரித் துறையினர் அதிரடி சோதனையை ஆரம்பித்துள்ளனர்.

தமிழ் திரையுலகையே இந்த சோதனை பரபரப்பாக்கியுள்ளது.

இந்த நிலையில், சென்னையில் உள்ள தயாரிப்பாளர் சங்கத் தலைவரும், ரஜினி நடிக்கும் கபாலி, விஜய் நடிக்கும் அடுத்த படங்களைத் தயாரிப்பவருமான கலைப்புலி தாணுவின் அலுவலகம், ராஜா அண்ணாமலைபுரத்திலுள்ள அவரது வீடு போன்ற இடங்களிலும் வருமான வரித்துறையினர் இன்று சோதனை நடத்தியதாக தகவல் வெளியாகியுள்ளது.

ஒரே நேரத்தில் ரஜினி, விஜய் மற்றும் இரண்டு படங்களை தாணு தயாரித்து வரும் சூழலில், அவர் வீட்டி ரெய்டு நடப்பது குறிப்பிடத்தக்கது.

விஜய் படங்கள் வெளியாகும் தருணத்தில் வருமான வரித்துறை சோதனை நடப்பது இது முதல்முறை அல்ல. ஏற்கெனவே ஜில்லா பட வெளியீட்டின் போதும் இப்படி சோதனை நடத்தப்பட்டது.

English summary

Reports suggest that the Income Tax Department has made raid at Producer Kalaipuli Thaanu's office and residence.