புதிய தமிழகம் கட்சிக்கு “டிவி சின்னம்” ஒதுக்கீடு- டாக்டர் கிருஷ்ணசாமி

Updated: Saturday, April 9, 2016, 13:00 [IST]

Subscribe to Oneindia Tamil

சென்னை: தமிழக சட்டசபைத் தேர்தலில் புதிய தமிழகம் கட்சிக்கு தொலைக்காட்சி பெட்டி சின்னம் ஒதுக்கீடு செய்யப்பட்டுள்ளதாக டாக்டர் கிருஷ்ணசாமி சென்னையில் செய்தியாளர்களிடம் தெரிவித்துள்ளார்.

சட்டசபை தேர்தலில் திமுக தலைமையிலான கூட்டணியில் புதிய தமிழகம் கட்சி இணைந்துள்ளது. திமுக தலைவர் கருணாநிதியை புதிய தமிழகம் கட்சித் தலைவர் டாக்டர் கிருஷ்ணசாமி நேரில் சந்தித்து பேசினார்.

இச்சந்திப்பின் போது புதிய தமிழகம் கட்சிக்கு 4 தொகுதிகள் ஒதுக்கீடு செய்து ஒப்பந்தம் கையெழுத்திடப்பட்டது. இதனைத் தொடர்ந்து கருணாநிதியை டாக்டர் கிருஷ்ணசாமி நேரில் சந்தித்தார்.

இதனையடுத்து சட்டசபைத் தேர்தலில் போட்டியிட புதிய தமிழகம் கட்சிக்கு டிவி சின்னம் ஒதுக்கப்பட்டுள்ளதாக செய்தியாளர்களிடம் தெரிவித்துள்ளார் அக்கட்சியின் தலைவர் டாக்டர் கிருஷ்ணசாமி. மேலும், ஏப்ரல் 14 ஆம் தேதிக்குள் வேட்பாளர்கள் அறிவிக்கப்படுவார்கள் என்றும் தெரிவித்துள்ளார்.