பாண்டிச்சேரி எஸ்.பி. மீது ரவுடிகள் தாக்குதல்

பாண்டிச்சேரி:

பாண்டிச்சேரி காவல்துறைக் கண்காணிப்பாளர் அனந்த மோகனை, குடிபோதையில் இருந்த நான்குரவுடிகள் தாக்கியதில் அவருக்கு லேசான காயம் ஏற்பட்டது.

பாண்டிச்சேரி மாநில சட்டம், ஒழுங்கு கண்காணிப்பாளர் அனந்த மோகன், புதுவை கடற்கரைபகுதியில் ரோந்து சென்றார். அப்போது 4 பேர் குடிபோதையில் அங்கிருந்தவர்களிடம் கலாட்டாசெய்து கொண்டிருந்தனர்.

அவர்களை நெருங்கிய அனந்த மோகன், ரவுடிகளைப் பிடிக்க முயன்றார். அப்போது நான்குபேரும் கையில் இருந்த பாட்டில்களால் அவரைத் தாக்கினர்.

இதில் அனந்த மோகனுக்கு லேசான காயம் ஏற்பட்டது. பின்னர் நான்கு பேரும் கைதுசெய்யப்பட்டனர்.