• search
For Quick Alerts
ALLOW NOTIFICATIONS  
For Daily Alerts

குழந்தையை தத்தெடுத்தால் அப்பாவுக்கு லீவு!

By Staff
|

பெங்களூர்: மெட்டர்னிட்டி லீவு என்றால் தெரியும். ஆனால் இப்போது பெட்டர்னிட்டி லீவு (paternity leave) வந்து விட்டது.

பிரசவிக்கும் பெண்களின் கணவர்கள் அல்லது குழந்தைளைத் தத்தெடுக்கும் பெற்றோருக்கு சமமாக, அதாவது பாலின வேறுபாடின்றி மகப்பேறு விடுமுறையை மத்திய அரசு அளித்து வருகிறது. மாநில அரசுகள் இதை இன்னும் அமல்படுத்தவில்லை.

ஆண்களுக்கு வழங்கப்பட்டு வந்த இந்த விடுமுறை இதுவரை 135 நாட்களாக இருந்து வந்தது. சமீபத்தில் இதை அரசு 180 நாட்களாக அதிகரித்தது. அதாவது பிள்ளை பெற்றுக் கொள்ளும் பெண்களுக்கு இணையாக அவர்களது கணவர்களுக்கும் இனிமேல் 3 மாத சம்பளத்துடன் கூடிய விடுமுறை கிடைக்கும்.

இந்த நிலையில் கர்நாடகாவைச் சேர்ந்த பல்வேறு தகவல் தொழில்நுட்ப நிறுவனங்கள், இந்த ஆண் மகப்பேறு விடுப்பு வசதியை தங்களது ஆண் ஊழியர்களுக்கு அமல்படுத்த முனைந்துள்ளன.

மேலும், பயாலஜிகல் குழந்தைகள் பிறப்பின்போது கொடுக்கப்படுவதைப் போலவே சம்பளத்துடன் கூடிய விடுமுறையை, தத்துக்குழந்தைகளை வளர்ப்பதற்கும் அவர்கள் தரவுள்ளனர்.

தனியார் நிறுவனங்களில் இதுவரை பெண்களுக்கு மட்டுமே இந்த பேறு கால விடுமுறை வழங்கப்பட்டு வந்தது. ஆனால் தற்போது ஆண்களுக்கும் இந்த விடுப்பு வசதியை விரிவாக்கியுள்ளனர்.

பிரசவித்த மனைவியையும், குழந்தையையும் பார்த்துக் கொள்ள வேண்டுமானால் ஆண் ஊழியர்கள் வழக்கமான விடுப்பு போட வேண்டும் அல்லது சம்பளம் இல்லாத விடுப்புக்குப் போக வேண்டும்.

டிசிஎஸ் நிறுவனம் தனது ஆண் ஊழியர்களுக்கும் மகப்பேறு விடுமுறையை அறிமுகப்படுத்தியுள்ளது. பிரசவிக்கும் பெண்களுக்கும் அல்லது மனைவி பிரசவித்தால் ஆண்களுக்கும், 3 மாத சம்பளத்துடன் கூடிய விடுமுறையை அந்த நிறுவனம் அறிவித்துள்ளது. இது குழந்தைகளைத் தத்தெடுத்தாலும் பொருந்தும் என்றும் அறிவிக்கப்பட்டுள்ளது.

இதுகுறித்து டிசிஎஸ் நிறுவன துணைத் தலைவர் ரீத்து ஆனந்த் கூறுகையில், பெண்களுக்கு வழங்கப்படும் 3 மாத மகப்பேறு விடுமுறையை தற்போது பாலின வேறுபாடின்றி ஆண்களுக்கும் விரிவுபடுத்தியுள்ளோம்.

பெண்களைப் போலவே ஆண்களுக்கும் இந்த விடுமுறை அவசியம் என்பதை நாங்கள் உணர்ந்துள்ளோம் என்றார்.

விப்ரோ நிறுவனம், தனது ஆண் ஊழியர்களுக்கு ஒரு மாத பேறு கால விடுமுறையை அளிக்கிறது. அதேபோல பிற ஐடி நிறுவனங்களும் கூட இதே நடைமுறையை கடைப்பிடிக்க ஆரம்பித்துள்ளனவாம்.

உண்மையிலேயே சந்தோஷமான செய்திதான்..

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X